کووچکردن هونەرمەنیگ کورد

شەفەق نیوز/ میکائیل کاکەیی، گورانیچڕ و ساز ژەن کورد، ئمڕوو پەنجشەممە،  لەوەر بیماری سەختیگ، لە شار خانەقین،  دۊا کووچی کرد. 

میکائیل کاکەیی، خەڵک شار خانەقینە، لە ئاوای مێخاس بۊە، و وەگەرد تیمەیلیگ هونەری ساز ژەنیە، و گورانییش چڕیە، باوجی لەوەر رەوشەیل سیاسی، لە سەردەم رژیم سەدام، خوەی رەسانیەسە شار هەولێر،  و لەورا تەقەلای دەرچگن ئەرا دەیشت وڵاتەگە داگە، وەلێ ئەو دەرفەتە وەدەسی نەکەفت. 

رەحمەتی هونەرمەن میکائیل کاکەیی، لە ئاین یارسانی بۊە، و مەینەتی فرەیگ لەوەر کەمدەسی وەخوەی دیە، دۊای رمیان رژیم سەدام، ئەرا ئاوایەگەی خوەی لە مێخاس گلەو خواردیە. 

میکائیل کاکەیی، چەن گورانییگ توومار کردگە، و بەشیگیان کردیەسە ڤیدیۆ کلیپ.