کوردستان ٢٠٠ لەتر نەفت چەرمگ دەێدە زیاتر لە ١٧ هەزار خیزان
شەفەق نیوز/ وەڕێەوبەرایەتی بەرهەمهاوردن کانزایی لە هەرێم کوردستان، ئمڕوو دووشەممە، وەرگرن ٢٠٠ لەتر نەفت چەرمگ لەلاین هەر یەک لە ١٧ هەزار و ٨٦٦ خیزان، وەنرخ ١٠٠ هەزار دینار ئەرا یەک بەرمیل.
فەلاح مەولود ئیسماعیل وەڕیەوبەر گشتی بەرهەمهاوردن کانزایی لە بەیاننامەیگ رەسیە ئاژانس شەفەق نیوز وت: شەش مەلیۆن و ٦٤٦ هەزار و ١٧٤ لەتە لە پارێزگای دهۆک بەشەو کریا، و چوار مەلیۆن و ٤٨٨ هەزار و ٣١٠ لەتر لە پارێزگای هەولێر، و هەشت مەلیۆن لەتر لە سلێمانی، و ٢٢٠ هەزار لەتر لە گەرمیان، و یەک مەلیۆن و ٢١٣ هەزار لەتر لە سۆران.
وەگورەی زانیاریەیل وەزارەت سامەنەیل سرووشتی، ١٠ هەزار و ٧٠٠ خیزان لە دهۆک، و ١١٠٠ خیزان لە گەرمیان، و ٦ هەزار و ٦٦ خیزان لە سۆران نەفت وەرگردنە، لە بڕ ١٧ هەزار و ٨٦٦ خیزان وە ٢٠٠ لەتر ئەرا هەر خیزانیگ.
وتیش: بڕەیل فرەیگ لە نەفت لە ئەمارەیل وەڕێەوبەرایەتی نەفت و کانزا لە سلێمانی هەس.
بەیاننامەگە وتیش: هەر یەک بەرمیل نەفت چەرمگ ٢٨٤ هەزار خەرجی چوود، و وەتەنیا وە ١٠٠ هەزار دینار فرووشیەێدە خەڵکەگە.
وەگورەی وەرپرسەیل حکومەت هەرێم کوردستان، بەشەوکردن نەفت لە ناوچەیل کوێەیی وەردەوامە، ئیجا رەسێدە ناوچەیل دەوروگەردی وناوڕاس شارەیل.
