وینە.. ئاژەڵیگ دەیشتەکی کەلەمە خەێدە ناو خانەوادەیگ لە هەولێر کەێد

شەفەق نیوز/ وەڕێەوبەرایەتی هاتوچو پارێزگای هەولێر پایتەخت هەرێم کوردستان، ئمڕوو شەممە، خەوەردا لە کوشیان و زەخمداری شەش کەس وە رویداویگ دڵتەزن هەنای ماشینیان داگە ئاژەڵیگ دەیشتەکی و پلیایە.

موقەدەم فازڵ حاجی قسەکەر هاتوچو هەولێر لە بەیاننامەیگ وت: لە ساعەت ١١:٣٠ دویەشەو، لەبان ری سەرەکی هەولێر -کەرکوک،  نزیک ئاوای تاتراوا، ماشینیگ کەیای تایبەت روی وەرەو هەولێر کردیە، ٦ کەس لە یەک خانەوادە لەناوی بوینە،  داگەسە ئاژەڵیگ دەیشتەکی.

دیاری کرد، ماشین لەدەس رانندە دەرچگە، و ماشینەگە پلیایە، ک کەسیگ لەناو ماشینەگە گیانی لەدەسدا، و ئەو پەنج کەسەگە زەخمدار بوین.