نێچیروان بارزانی وەگەرد وەزیر دەرەوەی ئیتاڵیا باس ئاسەوارەیل هەرێم کوردستان و دەرفەت خوەنەواری کەێد
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: هەردوگ لایەنەگە دووپات لە ئارەزوو هاوبەش لە قایمکردن پەیوەندیەیل دووانەکی ناوبەین ئیتالیا و عراق و هەرێم کوردستان کردن، و باس فراوانکردن دەسمیەتیەیل ئیتاڵیا ئەرا هەرێم کوردستان لە چین ئاشکراکردن ئاسەواری کردن، و دابینکردن دەرفەت خوەنەواری ئەرا هاووڵاتی یا هەرێم کوردستان لە ئیتاڵیا.
وەزیر دەرەوەی ئیتاڵیا دووپات کرد ک وڵاتەگەی وە چەو گرنگی نووڕێدە پەیوەندیەیلی وەگەرد عراق و هەرێم کوردستان و ئاسایش و ئارامی سیاسی و ئابووری لەناویان، ئەراوە ئیتاڵیا خوازێد دەرفەت بەرهەمهاوردن و پڕۆژەیل هاوبەش زیاتر لە عراق و هەرێم کوردستان بوود.
لەلای خوەییش؛ بارزانی ئارەزوو هەرێم کوردستان لە گەشەپیدان و فراوانکردن پەیوەندیەیل و هاوکاری هاوبەش وەرد ئیتاڵیا نشان دا، و پیشکەشکردن گشت ئاسانکاری و پشتگیری ئەرا بەرهەمهاوردن ئیتاڵیا، و هەمیش سوپاس لە ئیتاڵیا کرد ئەرا ئەو پاڵپشتی و دەسمیەتیە ک ئیتاڵیا وە عراق و هەرێم کوردستان پیشکەش کردیە.
بەیاننامەگە وتیش: پەیوەندیەیل هەولێر و بەغدا و دویاتریان نووەوبویەیل جەنگ دژوە داعش و قەیران وزە و تەقەلای چارەکردنی لە ئەوروپا و رەوشەیل خوەرهەڵات ناوڕاس وەشیوەی گشتی، باوەتەیل ناو ئەو گردەوبوینە بوین.
