یابان دەسخوەشی لە تەقەلایل نێچیروان بارزانی لە گەردەوکردن ناوبەین هیزە سیاسیەیل عراق کەێد

شەفەق نیوز/ سوزۆکی کوتارۆ باڵیۆز یابان لەلای عراق، ئمڕوو دووشەممە، دەسخوەشی لە تەقەلایل نێچیروان بارزانی سەرۆک هەرێم کوردستان کرد لە گردەوکردن ناوبەین هیزە سیاسیەیل عراق.

ئەوەیش لە پیشوازیکردن لە باڵیۆز یابان لەلایەن بارزانی هات، وەگورەی بەیاننامەی سەرۆکی هەرێم کوردستان ک رەسیە ئاژانس شەفەق نیوز.

وەگورەی بەیاننامەگە، هەردوگ لایەنەگە لە دیدارەگە باس دویاترین گەشەیل لە مەیدان سیاسی عراق کردن.

باڵیۆز یابان دووپات لە گرنگی پەیوەندیەیل دووانی ناوبەین حکومەتەگەی و هەرێم کوردستان و عراق کرد، و دەسخوەشی لە گەشەکردن هەرێم و تەقەلایل بارزانی کرد ئەرا گردەوکردن ناوبەین هیزە سیاسیەیل.