ئەندازیارەیل کەرکوک خۆپیشاندانیان لە وەردەم بینای پارێزگاگە دووارەو کەن

ئەندازیارەیل کەرکوک خۆپیشاندانیان لە وەردەم بینای پارێزگاگە دووارەو کەن
2020-08-17T08:21:23+00:00
شەفەق نیوز/ دەرچگەیل کۆلێژ ئەندازیاری لە کەرکوک، ئمڕوو دووشەممە، خۆپیشاندانەگەیان دووارەوکردن لە وەردەم بینای پارێزگاگە لە داواکردن فەرمانبەرییان.
پەیامنێر ئاژانس شەفەق نیوز لەکەرکوک وت: دەور ١٥٠ ئەندازیار لە ژن وپیاو، ئمڕوو شەوەکی، دووارەی خۆپیشاندانیان کردن لە وەردەم بینای پارێزگاگە، ئەرا وەدەسهاوردن فەرمانبەری حکومەتی.
ودیاری کرد ک گشت خۆپیشاندەرەیل لە دەرچگەیل کۆلێژەیل ئەندازیاری و نەفت وکەهرەبا بوین.
وەرجەیە هەمیش دەرچگەیل کۆلێژ ئەندازیاری لە کەرکوک لەوەردەم پارێزگاگە مانگگردن ئەرا داواکاری لە فەرمانبەرییان، ئەویش دویای وەرگردن بڕوانامەیل بەکەلۆریۆس وەرجە ٩و١٠ ساڵ.
خۆپیشاندەرەیل چەن دروشمیگ بەرزەوکردن جوور؛ ئەندازیاری هالە مردن، دویرەوخستن وەبی فەرمانبەری وەبی مقەیەتی وەبی دڵنیایی، من ئەندازیارم ماف خوەم خوازم، بەسە ستەم ودویرەوخستن.
Shafaq Live
Shafaq Live