مەنەلی داوای شاریگ ئەرا میوانەیل هەکاتی کەربەلا کەێد

مەنەلی داوای شاریگ ئەرا میوانەیل هەکاتی کەربەلا کەێد
2022-01-29T11:05:16+00:00

     شەفەق نیوز/ ناحیەی مەنەلی، ئمڕوو شەممە،  داوا لە وەزارەت پلانسازی کرد مووڵەتەیل دروسکردن شار میوانەیل جۊر ئەوەگ لە شار کەربەلا هەس لە نزیک مەرز سنووری وەگەرد ئیران تەواو بکەێد. 

مازن ئەکرەم وەڕەوبەر ناحیەگە ئەرا ئاژانس شەفەق نیوز وت: فەرمانگەی کشتوکاڵی مەنەلی زەۊییەگ ٣٠ دۆنەم نزیک مەرز مەنەلی/ سومار ئەرا عەتەبەی عەباسی تەرخان کرد تا شاریگ ئەرا میوانەیل هەکاتی شار میوانەیل کەربەلا دروس بکریەێد، پیشوازی لە زیارەتچیەیل بکەێد ک لە وەرز زیارەتەیل مەلیۆنی لە مەرزەگە رۊی وەرەوکەربەلاکەن.  

ئەکرەم دیاری کرد ک وەگورەی هۊردەکاری پڕۆژەگە، پۊل ئەرا تەواوکردن پڕۆژەگە دیاری کریاگە، و مووڵەت ١٢ وەزارەت پەیوەندیدار وەرگردگە، و دیاری کرد ک دەسکردن وە پڕۆژەگە هادەس وەزارەت پلانسازی.    

ئەکرەم داوا لە وەزارەت پلانسازی کرد مووڵەتەیلە ئەرا دەسکردن وەو پڕۆژەی ستڕاتیژیە یەکلاوە بکەێد ک ناحیەی مەنەلی لەلایەن ئابووری و ژیان و گوزەرانی، زنیەو کەێد، و گەشتوگوزاری ئاینی ناوبەین عراق و ئیران گەرم کەێد.  

ئەکرەم وتیش: خەڵک مەنەلی داوا لە پلانسازی کەن داواکاری شەرعییان جیوەجی بکەێد و ریکارەیل شار میوانەیل ئاسان بکەێد، تا بوودە قیبلەیگ ئەرا پیشوازیکردن لە گەشتیارەیل ئیران ک لە مەرز مەنەلی تیەنە ناو، وەگەرس ئەو سوودەیل ئابووریە ک پڕۆژەی شار میوانەیل پەیایان کەێد.   

Shafaq Live
Shafaq Live