عراق دەسکەێدە ئامادەکردن بەنداوەیل سنوور ئیران
2021-12-09T09:03:19+00:00
شەفەق نیوز/ وەرپرسیگ حکومەتی لە پارێزگەی دیالە، ئمڕوو پەنجشەممە، راگەیان دەسکردنە وە پیلاندانان ئەرا ئاوەدانکردن بەنداو مەنەلی هاوسنوور ئیران لە خوەرئەڵات پارێزگاگە ئەرا گلەوداین ئاو واران و لافاو.
مازن ئەکرەم وەرێوەبەر ناحیەی مەنەلی وە ئاژانس شەفەق نیوز راگەیان، ئەندامەیل سامانە ئاویەیلە دەسکردنە هشککردن ئاو بەنداو مەنەلی و هاوردن ئاو لە سەرچەوەیل ئیرانی ئەرا وەرەو ریەیلیگ ئەوەگ تێکڵای خەرگەگە نەوود، و جوو ئاوەیلە وەکار باێد.
وتیش:" قۆناغ دۊیەم لە پیلان ئاوەدانکردنەوە پشت وە رێکارەیل روپێوی بەسێد لە رێ ئەندازیارە سەربازیەیل، ئەرا پاکەوکردن بەنداوەگە لە وەجیماگەیل مین و تەقەمەنی، ئیجا دەسکریەێد وە پیلان پاکەوکردن خەرگ بەنداوەگە ک 9٪ توانای ئامارکردن لەدسداگە وەی نزیکە لە خزمەتکردن دەرچگە.
