دۊیای شەپۆل سەردی.. عراق کەفێدە وەر وارانیگ تا هەرتەی ئایندە
شەفەق نیوز/ شارەزای کەشناسی سادق عەتیە پیشبینی کرد، رووژ یەکشەممە، ناوچەیل شارەیل عراق کەفێدە وەر شیوەی نوویگ لە کەش و هەوا و وە بڕەیل جیاواز واران وارێد تا سەرەتای ساڵ ئایندە بەردەوام بوود.
عەتییە ئمروو لە پۆستیگ لەبان تووڕ کۆمەڵایەتییەیل راگەیان شەپۆل سەردیەگە لە رووژ سێشەممە کۆتایی تیەێد و پلەیل گەرمی بەرزەوبوود و کەش و هەوای زمسان چوودەو ئەرا سەردی ئاسایی.
وتیش: " لە ئیوارە یا شەو رووژ سێشەممە/چوارشەممە ئەورەیلە فرەو بوون، دەسکەێدە واران وەگەرد هەورە تریشقە لە بەغدا و شارەیل ناوراس فورات و شارەیل باشوور کاریگەری دروس کەێد.
وەگەرد شانسیگ واران وارینتریش هەس لە رووژ پەنجشەممە باوجی نە لە گشت شارەیلە لە ئیسە شار بەغدا نێگریدەو.
ئەرا بریگ لە شارەیل باشوور دەرفەت وارانیگتر تێدە نوا جۊر زیقار و میسان و و بەسرە و باشوور و ناوراس واران جاروەجار گرێدەو لە نیمەڕو رووژ پەنجشەممە.
وتیش، شەوەکی رووژ جومعە دەرفەت وارانەگە وسیەێد و رووژ شەممە فرەیگ لە شارەیل گرێدەو وە بڕ جیاواز، و کەشو هەوا هەوری و نیمچە هەوری مینێد.
