كابرایگ تورک ٤ مەلیۆن دۆلار لەژیر رمیاگ ماڵیگ پەیا کەێد
2023-02-11T07:38:52+00:00
شەفەق نیوز/ هاووڵاتییگ تورک، کیفیگ لە ژیر رمیاگ ماڵیگ ک وە زەویلەرزەگە رمیاگە پەیا کرد ، و دادەی دەس پولیس.
وەگورەی رووژنامەی "صباح" تورکی، محمد ئۆزبو ئۆسلو فەرمانبەرە لە شارەوانی قونێه رەسیە هاتای تا بکەفێدە گەرد تیمەیل رزگارکردن، وەرجەیەگ کیفەگە پەیا بکەێد، ئیجا بەێدەی دەس پولیس.
ئەرا پەنجەم رووژ لەبان یەک تیمەیل رزگارکردن لە رەنج و تەقەلایان وەردەوامن وەمینەکردن رزگاربویەیلیگ لە ژیر ماڵە رمیاگەیل.
شەفەق رووژ دووشەممەی گوزەشتە، زەویلەرزەی ویرانکەرەیگ تەنەکان 7.7 پلە لەبان پەیمانەی ریختەر دادە باشوور تورکیا و باکوور سوریا، و دویای چەن ساعەتیگ زەویلەرزەیگ تر وە تونی 7.6 پلە لە پشتی هات، وەگەرد سەدان لەرزەی تەکانی سەخت، ک زەرەد گەورەیگ لە گیان و ماڵداری لە هەردوگ وڵاتەگە لەلی بویەو.
