راگەیانن عبری: سوپای پاسدران ئیرانی تەقەلا دایە پیاویگ ئیسرائیلی لەناو جۆرجیا بکوشێد
شەفەق نیوز/ راگەیانن عبری، ئمڕوو چوارشەممە، خەوەردا ک سوپای پاسدران ئیرانی تەقەلا داگە پیاویگ ئیسرائیلی خاوەن کاروبار لەناو جۆرجیا بکوشێد.
کەناڵ ١٢٤ عبری وت: ئیوارە دویەکە سێشەممە ئاشکرا کریا ک ئیتسیک موشیە پیاوەیگە خاوەن کاروبار ئیسرائیلی لە تبلیسی پایتەخت جۆرجیا وەلایەن سوپای پاسدران تەقەلای کوشتنی دریاگە.
کەناڵەگە لە سەرچەوەیگ ئەمنی ئیسرائیلی وت: موشیە ک کەسیگ گورجە لە قایمکردن پەیوەندی ناوبەین ئیسرائیل و جۆرجیا، ئەوسا وەلایەن ئیران خریاوێدە ئامانج، و سوپای پاسدران وەچەن تیپیگ تەقەلای کوشتنی داگە، تا لە هەفتەی گوزەشتە یەکیگ لە ئەندامەیل تیپەگە لە جۆرجیا دەسگیر کریا.
وتیش: هیزەیل جۆرجیا کەسەیلیگ دەسگیر کردن دوو ڕەگەزنامە جۆرجی- ئیرانی وەپیان بویە، چشتەیلیگ چەنگی لە تورکیا ئەرا تیپەگە وە پویل هاوردنە، و دەسنریا بان چەکیگ ئەرا جیوەجیکردن کوشتنەگە ئامادە کریاس، و گشت تیپەگە ئەرا ئیران کار کەن.
