دویای چەن ساعەتیگ لە خنکانن کەشتییگ ئیرانی.. لەیەکداین دوو کەشتی لە بەندەریگ سعودی

شەفەق نیوز/ دەزگای گشتی بەندەرە سعودیەگان، دووپاتکرد رووداویگ لەیەکداین لەناوبەین دوو کەشتی یەکیگیان سعودیە وئەواکە تانزانیە کار لە گواستنەوەی شمەک کەێد، ئیوارەی دوێەکە یەکشەممە.

دەزگاکە لە بەیاننامەیگ لەبان ماڵپەر خوەی لە تویتەر نووسان:  رووداوەگە لە دەروازەی بەندەر بازرگانی شاه عەبدولعەزیز لە دەمام بوی.

دەزگای گشتی بەندەرەگان سعودیە دیارکرد ک رووداوەگە نەویە هووکار هیچ زەخمداربوینیگ، و هەمیش کار لە بەندرەگە کاریگەر نەوی.

ئی رووداوە دویای چەن ساعەتیگ لە لەوە تیەێد ک کەشتییگ ئاسن بار ئیرانی   دوێەکە یەکشەممە لە وەخت  روی کردنی وەرەو بەندەر ئوم قەسر لە باشوور عراق خنکیا.