تەندروسی جەهانی دویاترین ئامار تویشهاتنەیل ئاوڵەی مەیمون راگەینێد
شەفەق نیوز/ ریخریاگ تەندروسی جەهانی، ئمڕوو پەنجشەممە، راگەیان شمارەی تویشهاتنەیل ئاوەڵەی مەیمون لە ٧٠ هەزار تویشهاتن رەد کرد، و هوشداری کرد ک داوەزین تویشهاتن نەووەیل ئەوە نیە ک واز لە هوشیاری باریەێد.
تیدرۆس ئەدهانون وەڕیەوبەر ریخریایەگە لە کۆنگرەیگ رووژنامەوانی وت: شمارەی تویشهاتنەیل هەفتەی گوزەشتە لە چەن وڵاتیگ لە دوو ئەمریکا زیای بوین، و جەخت کرد ک یەواشی دەرکەفتن تویشهاتنەیل نوو لە گشت وڵاتەیل جەهان شایەت رخبەرترین ماوەیل بڵاوبوین بیماریەگە بوود.
وتیش: ئاگاداری لە زیاتر لە ٧٠ هەزار تویشهاتن و ٢٦ مردن کریا، وتیش: لە ئاست جەهان، تویشهاتنەیل هانە داوەزین، باوجی لە ٢١ دەوڵەت لە هەفتەی گوزەشتە زیایبوین لە تویشهاتنەیل توومار کریا، فرەیان لە دوو ئەمریکا بوین، ک نزیکەی لە ٩٠% لە گشت تویشهاتنەیل هەفتەی گوزەشتە بوینە.
وتیش: شایەت بڵاوبوین بیماریەگە وەرەو کەمی چوود، ک ئەوە رخبەرترە، چوینکە هیلێد دڵنیا بویمن ک قەیرانەگە تەواو بوی، و بیلێد واز لە هوشباریمن.
ریخریاگ تەندروسی جەهانی دووپات کرد ک وەگەرد دەوڵەتەیل ئەرا زیایکردن توانایان لە وەشکین، و چەودیریکردن لایەیل کار کەێد، وتیش: ئیمە نیگەرانیمن لەباوەت راپۆرتەیل لە تویشهاتنەیلیگ لە سوودان، هەمیش لەناو کامپەیل بەنابەرەیل نزیک سنوور ئەسیوبیا.
وتیش: هەکاتی کۆڤید-١٩، هیمان ئاوڵەی مەیمون فریاکەفتن تەندروسی گشتیە، نیگەرانی ناودەوڵەتی دروس کەێد، و ئەوەسا ریخریاگ تەندروسی جەهانی وەیجویرە رەفتار وەگەردی کەێد.
