شەفەق نیوز/ له‌ سوشیال میدیا بازاڕ فرووشتن چەک لە عراق گەرمە، وه‌ هوكار نەوین پەیمانیەیل چەودیریکردن وسیاسەت و رینمایه‌یل لەباوەت زوان عەربی وکوردی  ، ئەرا  نواگردن پڕۆپاگەندەی ئی بازرگانییه‌.

کەناڵ "يورو نيوز" ئەوروپی لە تۆێژنەوەیگ لەلایەن پەیمانگای گفتوگۆی ستڕاتیژی بەریتانی وت: فرووشتن چەک لە عراق لەبان فەیسبووک باوە، وتیش: کۆمپانیایل پەیوەندیەیل کۆمەڵایەتی گەپ فرە وە شکستهاوردنی لە راسەوکردن بڵاوکریایە بەدەیل وەخبەرەیل وەشیوەی گورجیگ توومەتبارن، تایبەت لە ناوچەیلیگ جویر خوەرهەڵات ناوڕاس.

نەمان چەودیریکردن

راپۆرت کەناڵە ئەوروپیەگە ک ئاژانس شەفەق نیوز ئەڵگەردانی کرد، دیاری کرد ک کۆمپانیای (میتا) ک داڵگ فەیسبووکە، داهاتەیلیگ لەوە کەمتر دیرێد تا رەفتار وەگەرد پۆستەیل بکەێد وەگورەی زوان و زاراوەیلیگ جیاجیا هەکاتی ئەوەگ وەرد زوان ئینگلیزی کەێدەی.

راپۆرتەگە لە زوان موستەفا عەیاد وەڕیەوبەر جیوەجیکەر پەیمانگای گفتوگۆی ستڕاتیژی ئەفریقا و خوەرهەڵات ناوڕاس ئاسیا وت: نەوین جیوەجیکردن پەیمانیەیل چەودیریکردن لە زوانەیل عەرەبی و کوردی، هیشت بازاڕەیل چەک لەڕی فەیسبووک واز بوون.

عەیاد دیاری کرد ک تا رادەیگ ئاسانە چەک ئەرا فرووشتن پەیا بکەێد لە بەشە کۆمێنتەیل لەبان ئەو فەیسبووک فرە گەپە، و ئەو لاپەڕەیلە ک فولەریان لە دوو مەلیۆن کەس زیاترە.

وەگورەی ئەو تۆێژنەوە ک عەیاد ئەنجامی دا؛ بەشیگ لە وەکارهاورەیل فەیسبووک مەینەتی ئەوە وەخوەیان نیەن ک نیاز خوەیان بشارنەوە، و دەسنشان نموونەیگ کرد ک یەکیگە وەناو "چەک فرووشم" وە زوان کوردی لەبان فەیسبووک.

راپۆرتەگە دیاری کرد ک هووکارەیل فرەیگ هەس ک هیلن ئی تووڕە لە لاپەڕەیل فرووشتن چەک لە عراق جی نیگەرانی بوود، گرنگتریان ئەوەسە ک زوان عەربی فرەتر لەبان فەیسبووک و ماڵپەڕەیلیگتر ئەوزەڵ کەێد ک کۆمپانیای میتا خاوەنیە، جویر واتسئاپ.

ئەنجامەیلیگ نائومیدی

راپۆرتەگە باس ئەنجامەیل ئەوە لەبان زەوی راسی کرد، ک خوەنەواریگ تویڕە لە هەرێم کوردستان لە حوزەیران گوزەشتە، مامووستایگ زانکۆ کوشت، ئمجا سەرۆک بەش یاسا لە دامەزراویگتر کوشت، و مەزەنە هەس ک چەکەگەی لەبان فەیسبووک سەنیە.

وەقسەی زانکۆی واشینتۆن؛ ریژەی مردگەیل لە ئەنجام وەکارهاوردن چەک لە عراق، لە ئەمریکا بەرزترە، ک بەرزترین ئاستە لە خوەرهەڵات ناوڕاس و باکوور ئەفریقا لە ساڵ ٢٠١٩.

لەسای ململانەیل ناوخوەیی وە بەشداریکردن هیزەیل حکومەتی، و جەنگ داعش، وەگەرد ئەو میلیشیایلە ک لەلایەن ئیران پشتگیری کریانە، راپۆرتە ئەوروپیەگە وت: یە گشتی هیلێد وڵاتەگە بکەفێدە ژاوەژاو شارستانی.

وەشوینکەفتن فەیسبووک

راپۆرتەگە لە زوان پەیمانگای بەریتانی وت: گەردنکڵوفتەیل سۆشیال میدیا جویر (فەیسبووک) بایەتە سزایان بیریەێد چوینکە ری وە بڵاوکردن چشتەیل رخبەریگ لەبان پلاتفۆرمەیلیان دانە.

وەقسەی عەیاد، ناوچەیل ململانە وەشویەیگ تایبەت، ئاست جیاوازیگ لە کۆنتڕڵکردن پۆستەیل خوازن، چوینکە دروسکردن خوسە و بڕیگ لە زەرەدەیل لەبان ئەنتەرنێت، توەنن وە ئاسانی وەناو سیستەم کۆنتڕڵکردن ئامیری دزە بکەن، ک لەبان زەوی راسی زەردەیلیگ دروس کەن.

راپۆرتەگە وتیش: فەیسبووک بەسیان بڕیگ لەو هەژمارەیلە راگەیان ک راپۆرت  پەیمانگای بەریتانی کردیانە نموونە، ودووپات کرد ک دیرێد پاڵپشتی شمارەیگ لە فەرمانبەرەیل چەودیریکردنی لەناوچەگە کەێد.

باوجی پەیمانگا بەریتانیانیەگە ئی گامە وە تەنیا ریکاریگ وەختانە دانا، وداوای جیوەجیکردن ئاشکراییگ زیاتر کرد لەو شیوە ک ئیدارەی فەیسبووک باوەت پۆستەیل وەڕیەو بەێد، چوینکە لایەنە بەدەیل ئی بۆشاییە وەکار تیارن تا باوەتەیل زەرەدداریگ جویر فرووشتن چەک بڵاو بکەن.

ڕاپۆرت کەناڵ "یورو نیوز" ئەوروپی لە کۆتایی قسەیلی دەسنشان ئەوە کرد ک یە یەکەم جار نییە ک توومەتبار فەیسبووک بکریەێد لە نەمان جیوەجیکردن سەرپەرشتی لەبان باوەت پۆستەیل، ک بویە زەرەدیگ راسی لە ناوچەیل جویراجویر جەهان.

راپۆرتەگە وە کوڵبڕی وت" لێکۆڵینەوەکارەیل نەتەوە یەکگرتگەیل وەرجەیە وتنە ک فەیسبووک رۆڵیگ سەرەکی لە بڵاوکردن وتەی خوەسەیی بردیە، ک تونەڕەوی دژوە کۆمەڵگای روهینگا لە میانمار پەیا کرد.