شەفەق نیوز/ رووژنامەی "هام ميهن" ئیرانی باس ژنە کووڵبەرەیل کرد، و ئەو سەختیەیلە لەبانیان لەی کار مەینەتیە.

راپۆرت ئەو رووژنامەی ئیرانیە کە ئاژانس شەفەق نیوز ئەڵگەردانی کرد وت: یەکیگ لە ژنەیل کووڵبەر لە تەمەن ٤٧ ساڵە، خوەی و شویەگەی کووڵبەری کەن، و قولی لەناو ری شکیا، و پویل نەشتەرگەری نەیرێد.

راپۆرتەگە وتیش: ئەو ژنە لەبان هەر پارچەیگ کە گرێدە کووڵ ١٠٠ هەزار تومان بکەێد کە نزیکەی ١.٥ دۆلار ئەمریکی کەێد، و چەنیگ ئەو پارچە کەورتریش بوود هەر ئەوەنە بەێد.

ژنیگ ترەک لە تەمەن ٥٥ ساڵ، کوڕەیل بیکاریگ دیرێد، و شویەگەی لەناو دوکانیگ لە شانیان کار کەێد.

وتیش: دوکانیگ دیرن، چشتەیلیگ لەناوی فرووشن، وەگەرد ئەو چشتەیلە کە لە عراقەو تیەرن.

ژنیگ ترەک وت: لە جەنگ عراق و ئیرانەو تا ئیسە لەبان ئی سنوورە کووڵبەری کەێد، و پەنج مناڵ هاورد و شویەگەی لەدەسدا.

راپۆرتەگە وتیش: یە بەشیگ لە باسەیل ئەو ژنەیل کووڵبەرەسە لە پەنج ناوچەی کورد لە ئیران، کە ژیانیان لە توێژینەوەیگ ئینسۆگراڤی باس کریا، ئەو ژنەیلە کە فرە خوەیان نیەخەنە وەرچەو، و ئاسان نییە وینەیان و ناسنامەی سیاسی و کۆمەڵایەتییان بکەفێدە دەس.

لە خەوەریگ گرنگ کە پەیوەندی وەی چینە لە کووڵبەرەیل دیرێد، کە چشتەیلیگ لەناوین ئیران و هەرێم کوردستان تیەرن و بەن، رووژنامەگە باس بڕیاریگ حکومەتی کرد وە دیاریکردن رییگ ئەرایان.

رووژنامەگە وتیش: تا ئیسە ئاماریگ فەرمی ئەرا شمارەی کووڵبەرەیل یان سنوور وەدەس نەکەفتیە، وەلێ بەشیگ توێژینەوەی سەروەخوەیی جویر (لە جەنگ زیان) ئەرا هێرش قادر زادە، و ئەحمەد غیاسوند، ئامار فەرمییان ئاشکرا کەێد کە ها ناوەین ٨٠ هەزار تا ١٧٠ هەزار کەس.

لەبان ئەوە، فرەی کووڵبەرەیل لە خەڵک ناوچەیل بانە، مەریوان، سەقز لە پارێزگای کوردستان، و سەردەشت، و ئاشنۆی لە ئازەربایجان خوەرئاوایی، و نەوسود، و باوە لە پارێزگای کرماشانن.

لەناو ئی ئامارەیلە لەناو راپۆرتەگە، باس شمارەی ژنە کووڵبەرەیل نەکریاس، و لە ساڵ ٢٠١٨، هلالە ئەمینی نویتەر پارێزگای کوردستان لە ئەنجومەن باڵای پارێزگایل ئیران، ئاگاداری لەی باوەتە کرد و وت: ئیمە ژن و دویەتەیلیگ دیریمن ناچار بوینە کار پیاو بکەن، تا بکەفنە رز درویژ کووڵبەرەیل.