شەفەق نیوز/ رووژنامەی "تایمز ئۆف ئیسرائیل"، ئمڕوو سێشەممە، وت: هاووڵاتییگ ئەمریکی یەهود لە هەفتەی گوزەشتە لە لوبنان دەسگیر کریا، دویای ئەوە ک دەزگایل ئەمنی ئاشکرا کردن ک لەی دویاییە لە ئیسرائیل بویە، و خوازێد بچوودە عراق.

راپۆرت رووژنامەگە ک وە زوان ئینگلیزی بڵاو کریایە، و ئاژانس شەفەق نیوز ئەڵگەردانی کرد وت: ئەو کابرای ئەمریکیە ئەرا چەن رووژیگ دەسوەسەر کریا، و دەسەڵاتەیل لوبنان گومان داشتن ک ئەو گەنج لەناو تەمەن بیس ساڵان کار سیخوڕی کەێد یا هاوکاری دەس وەگەرد ئیسرائیل دیرێد.

وەگورەی راپۆرتەگە،  ئەو گەنج ئەمریکیە لە زانکۆ لە شار قودس خوەنستیە، و دویای سەردان قوبرس رەسیەسە لوبنان، و نیاز داشتیە بچوودە هەرێم کوردستان، ودیاری کرد ک لەناو پاسپۆرتەگەی دیارە ک چیەسە ئیسرائیل.

راپۆرتەگە وتیش: رویداوەگە لە لوبنان ژیوەژیر مەن، لە وەختیگ وەرپرسەیلیگ ئەمریکی ئەندامەیلیگ کۆنگرس لەناوی بوینە زوور ئەرا مەرقەزکردنی کردن، ک رووژ پەنجشەممە یا چمعەی گوزەشتە مەرقەز کریا، و دویای ئەوە مزڵ ئەرا ئیمارات کرد.

راپۆرتەگە وتیش: دەسگیرکردنەگە لەوەختیگ هات ک لوبنان و ئیسرائیل دانوسەنین ناسکیگبل وە چەودیریکردن ئەمریکا کەن، لەباوەت سەرچەوەیل وزە لە دەریای ناوراس، وتیش: ئەو دوو دووڵەتە پەیوەندی دیبلۆماسی نیەکەن، و وەفەرمی هانە ناو جەنگ، لەوەختیگ حزبوڵای لوبنان چەن جاریگ هەڕەشەی ئیسرائیل لەبان بیرەیل گاز لەناو دەریا دا.