شەفەق نیوز/ راپۆرتیگ لە کەناڵ "فۆکس نیوز" ئەمریکی وت: ئیرنگە ریخریاگ داعش ها گام گلەوخواردن و نووەبوین لە عراق، هەرچەن شکستهاوردنی راگەیان، ک دیرێد لەو ناوچەیلە ک لەناوی هەس وەردەوەردە کەێد.
وەگورەی ئاگادارەیل، نشانەیلیگ هەس ک ریخریاگ داعش لەبان راگەیانن شکستی لە عراق و سوریا، ها گام زنیکردن خوەی وەو پەلامارەیلە ک لە باکوور و خوەرئاوای عراق جیوەجی کەێد، وتیش : ئەوە جی نیگەرانیە ک بایەتە لە نزیکەو چەودیاریی بکریەێد.
فۆکس نیوز لە راپۆرتەگەی ک ئاژانس شەفەق نیوز ئەڵگەردانی کرد لە فازڵ ئەبو رغیف زوان پسپۆر باوەتەیل گرووپەیل تیرۆری لە عراق وت: داعش دەسکردە گلەوداین گورجیی لە تەقەلایگ ئەرا گردەوکردن ئەوانەگ لە ئەندامەیلی مەننەسەو، وتیش: لە وەختیگ تیخریایەگە خاڵەیل هاز سەرەکیی لەدەس دایە، باوجی هیمان رایگەیاند لەو ناوچەیلە دیرێد ک هیمان لەناویان وەهازە، وەتایبەت لە شارەیل باکوور ناوبەین سەڵاحەدین و کەرکوک و کویەیل مامە.
ئەبو رغیف وتیش: ناوچەیلیگ لە خوەرئاوای ئەنبار هەس بوینەسە شوین ریخریاگ داعش، و رخ گەورەیگ پەیا کردنە، و دەسەڵاتەیل لە مانگەیل دویایین کارخانەی چەک داعش ئەرا بومبیکردن ماشینیەل قەڵغاندار چەکان، ک ئەوە توانای جیوەجیکردن پەلامارەیلیگ خوەیکوشتن لە کەرکوک و ناوچەیلیگتر وەپیان دەێد.
ڕاپۆرتە ئەمریکێەگە وتیش" داعش لەی ماوەیل دویاییە پەلامارەیلیگ وە تەقیان خوەیکوشتن نزیک بەغداد و ناوچەیلیگ تر لە وڵاتەگە جیوەجی کرد، لە وەختیگ دەسەڵاتەیل عراق شکست وە چەن پەلاماریگ داعش هاوردن.
راپۆرتەگە باس دیداریگ لەلایەن فۆکس نیوز وەرد فوئاد حسێن وەزیر دەروەی عراق لە ئەیلوول گوزەشتە کرد، ک داوا لە دەوڵەتەیل خوەرئاوا کرد وەردەوام بوون لە جەنگ داعش، وتیش فرە لە ئەندامەیل داعش هانە ناو ٥٧ هەزار کەس لە کامپ هۆل سوریا، و هوشداری کرد ک رەوشەگە جی نیگەرانیە ئەرا ئەمریکا و کۆمەڵگای ناودەوڵەتی.
راپۆرتەگە هەمیش لە زوان ئەبو رغیف وت: لە وەختیگ ریخریاگ داعش نەڕەسیەسە نزیک ئاس هاز جارانیی، باوجی لەنا نەچگە ودوارە گورجەو بوی، ک خوەی ریخریاییگ ئایدۆلۆژیای، و دوارە ها گردەوکردن رزەیلی.
راپۆرتەگە لە زوان بیل رۆجیۆ تۆێژینەر لە دامەزراو وەرگری لە دیموکراتی وت: داعش ک لە زگ ریخریاگ قاعیدە پەیا بوی، هالە ئاست گلەوخواردن.
رۆجیۆ وتیش: داعش توانای خوەی لە نووەبوین دویای شکستەیل گەورەیگ چەسپان، و یەکیگ لە شوینەیل پاڵپشتیکردنی لە باکوور و خوەرئاوای عراق بوی، وەتایبەت لە کویەیل حەمرین.
راپۆرتەگە وتیش: سەرکردەیل حەشد شەعبی ئویشن چەودیاری داعش کەن، و لە زوان سەید حەمید یاسری فەرماندەی یەکیگ لە باڵەیل حەشد وت: چەومان هەر لەبان تیرۆر مینێد و دەسمان هابان چەکمان ئەرا وەرگریکردن لە وڵاتمان.
دویای ئەوە ک راپۆرتەگە باس ئەو هەڵمەتە کرد ک سیستانی لەساڵ ٢٠١٤ بانگواز ئەرای کرد، ک دەسمیەتی لە شکست چەکدارەیل کرد، باوجی هەمیش بویە هوکار گەورەبوین ملیشیایل شیعە ک فرەیان لایەنگری ئیران کەن، و وە دروسکردن رەفتار مەزهەوی توومەتبار کریان.
باوجی راپۆرتەگە لە زوان یاسری وت: باڵەگەی فەرمان لە ئیران نیەوەێد، وتیش: پارەکە گرووپیگ سەروە ئیران خوازینە یاسری بکوشن، دویای وتاریگ لەناوی رەخنە لە میلشیایلیگ گرد ک فەرمان لە لایەنەیلیگ دەرەکی بەن.
راپۆرتەگە لە زوان یاسری وتیش: چەن راپۆرتیگ داگەسە دەسەڵاتەیل عراق ک داعش دەسکردە گورجەوبوین وە شیوەی گەورەیگ و جەنگاوەرەیل بیگانە لە خاک سوریا تەکان دەن، و لە دوورگەی نەینەوا وەرەو ناوچە کوێەیلە بەشیان کریەێد.
یاسری دیاری کرد ک باڵەگەی جەنگ وەرد داعش کردیە و توەنست ١٤ تیرۆریست لەی ماوەی دویاییە بکوشێد، وتیش ئەوە دەرخەێد ک داعش دەسکردە گلەوخواردن وەهازیگ ئەرا ئی ناوچەیلە، وبایەتە پلان گونجیاگ ئەرا نواگردنی بنریەێد، و پشت وە راپۆرتەیل خاوەن مەیدان بوەسیەێد، ئەرا هەڵسەنگاندن جویلەیل نوو داعش.
یاسری دیاری کرد، وەگورەی راپۆرتەگە، باڵەگەی لەی چەن مانگ گوزەشتە، ٧٠ ئۆپراسیۆن جیوەجی کرد، جەنگ و تەقەکردن و دەسناین وەبان چوار ماشین پیکاب و چەک نوو و ئەمارەیل گەورەیگ ئەرا خوەراک و دەرمان لەناویان بوی.
یاسری لە کۆتایی وت: خوەی جویر پیاویگ مەیدانی، نووڕێد ک داعش وە هاز و تەکتیک نوویگ گلەو خواردیە، و جەنگ شەکەتکردن چەوهەشارەکی کەێد.
ئەڵگەردان: ئاژانس شەفەق نیوز.