دەسدرویژی کردە بان گشتیان!

 ئەو دوو دویەتە وە ناوەیل ریهام و رەحا کە هاوسەر و دویەتەگەی بەغدادی لە چەوپیکەفتن تایبەت وەرینیان وەرد تووڕەگە باسی کردنە، نهێنییەیل ئەو چشتەیلە ئاشکرا کەن کە وەرد ئەو سەرکردەیە گوایە ژیانە.

ئەوان دووپات کردنە کە بەغدادی دەسدرویژی لەبان گشت دویەتەیل کردگە و هویچ دویەتیگ وەبی ئەوەگ دەسدرویژی بکریەێدە بانی و ئیجا بفرووشیەێد نەچوودە ناو ماڵ “خەلیفە”.

ئەوکەی تریش ئاشکرا کرد کە ریخریایەگە تەنیا دەسدرویژی وولاتی نەکردیە، بەڵکم لە تەمەنیگ فرە کەم مناڵەیل لە داڵگیان زەفت کردنە.

ئی گفتوگۆیل نووە دویای گفتوگۆیگ ترەک تیەێد کە چەن هەفتەیگ وەرجەیە لەلایەن ئەلعەرەبییە/ئەلحەدەسەو لە ناوەین دوو هاوسەرەگەی بەغدادی و دویەتەگەی ئەنجامدریا.

لە وەختیگ لە هەفتەی ئایندە تووڕەگە گفتوگۆیگ نوو وەرد کەسوکار ئەو دوو قوربانییە ئەنجام دەێد ئەرا زانین هویردەکاری گرنگ لەباوەت کاروان کۆیلەکردن ژن، و چارەنویس ئەو دوو دویەتە، هەرلیوا ئەرا زانین چیرووک دیلەیل ترەک.

 نەمان ئەو ریخریاگە

جی باسە کە سەرۆک ئەو ریخریاگە کە لە ساڵ 2014 دەس نابان ناوچەیگ فراوان لە عراق و سوریا  لەو وەختە "خەلافەت" خوەی ڕاگەیان و یاسا تونڕەوەیلییش چەسەپان، لە مانگ تشرین یەکەم ساڵ 2019 کوشیا، دویای ئەوەگ ئەمەریکا ئۆپەراسیۆنیگ تایبەت لە پارێزگای ئیدلب لە باکوور خوەرئاوای سوریا جیوەجی کرد.

دۆناڵد ترەمپ، سەرۆک ئەمریکا لەو وەختە راگەیان کە فەوجیگ کۆماندۆی هیزەیل ئەمریکا کەفتنەسە مینەی، بەڵام خەلیفە وەگەرد دوو ژنەگەی و کوڕەگەی خوەی تەقانەو.

ریخریاگ داعش لە ساڵ 2017 شکست هاورد، هەناێ بەغدا سەرکەفتن لەبانی و شکستی ڕاگەیان، بەڵام هیمان بەشیگ لە شانەیلی لە چەن ناوچەیگ جیاجیا گورجە.