شەفەق نیوز/ هەرچەن ساڵ ٢٠٢٠ چاپ وەو نیگەرانیە کریاگە ک لەوەر پەتای کۆڕونا رەسیەسە جهان، بەڵکم ئی ساڵە هەمیشە رووداوەیل خەنەداریگ وەخوەی دی ک کەشوهەوا تاریکە گشتیەگە رووشن کرد، و لەو رووداوەیلە ئەیانە:
خوازمەنیکردن وە تانک
ئەفسەریگ لە سوپای رووسیا پەسەن کرد ئاهەنگ جەژن دووسی وە شیوەی جیوازیگ بکەێد، ک دەور خوەی وە شانزە تانگ لە مارکەی تی ٧٢ بی ٣ گرد، وەڕزەو لە شیوەی دڵیک وسیان، تا خوازنمەنی دووسەگەی بکەێد.
دینیس کازانتسیف لە کامپ سەربازی ئەلابینو لە نزیک مۆسکۆ نیشتە بان زرانی لە کەشوهەوای یەخینیگ و چەپگی گوڵ هاوەدەسی و داوای دەزویرانەگەی کرد، و دەزویرانەگەی ئەلیکساندڕا کوبیتوڤا سەرسامی خوەی لەی داوای ناکاویە نەشاردەوە.
کۆڕۆنا و «لوکداون» هەمیش ئەرا ناو مناڵەگان
وە ئامانج نواگردن هویرە وەرینەگان لە کۆڕۆنا، دوو هاوسەر لە باشوور خوەرهوڵات هیند ناو کۆڕۆنا کۆمار و کۆڕۆنا کۆماری برینە باڵای مناڵەیلیان.
هەمیش لە وڵات هیند دوو هاوسەر ئاوارە لە ناوچەیگ گیر هاتن هەزاران کێلومەتر لە ماڵیان دویرە، ئاراوە ناو کورپەگەیان وە لوکداون (کەرەنتین) نان.
له ئاسمان تلیاق وارێد
سەدان لە کیسەیل بەڕ لە تلیاق لە ئاسمانەوە واریە بان مەیدانیگ لە تەل ئەبیب، ک مەردمەگە سەرقاڵ بوین، بەڵکم کارەکە وارانیگ نەوی وەلی هەڵمەت کۆمەڵەیگ هاندەر باوکردن تلیاق لە ئیسرائیل بوی، ک هەمیش لە شوونەیلیگ تر راگەیانن نیازیان لەو هەڵمەتە، و دوو کەس لەوەر وەکارهاوردن فڕۆکەی بیفڕۆکەوانیگ ئەرا کارە دەسگیرکریان.
ئەژدەهایگ لە جیای دەمامەک
کابرایگ ئەژدهایگ پلگانە دەور مل خوەی و سوار پاسیگ لەناو شار مانچستەر بەریتانی بوی، و یەکیگ لە وەچەودیەگان دووپاتکرد ک ئی سیما دڵگران کەسیگ نەکرد تەنانەت هەنای مارەگە دەسکردە جوولەکردن لەناو پاسەگە.
دەسەڵاتەیل بەریتانیا دیاریکردن ک ریداین وە جیگریک ئەرا دەمامەک ئەوە نییە ک چەرم ئەژدەهایگ وەکار باریەێد، وەتایبەت ئەگەر چەرمەگە چەسپیاگەسە ئەژدەهاکە.
دویای مردنی لە هەڵبژاردن سەرکەفت
خەڵک ئاوای بویچگیگ لە رۆمانیا دووارەی هەڵبژاردن سەرۆک شارەوانیەگەیان کردنەو، بەڵکم دویای یانزە رووژ لە مردنی لەوەر تووشهاتنی وە کۆڕۆنا، و دویای بەسانن سەندووقەیل دەنگدانەگان خەڵکەگە وە چەبگە گوڵ روی کردنە قەورسانەگە تا پیرووبایی لە سەرۆک شارەوانیەگەیان بکەن.
مووڵەت دەرچگن ئەرا دەسوەشانن
کابرایگ فەڕەنسی لە تەمەن سی ونۆ ساڵان، لەبان داواکردن مووڵەت دەرچگنی لە ماوەی کەرەنتینەگە، نووسان؛ هووکار دەرچگنەگە خوەی ئارەزوی وە تیرکوش گەنجیگ بکەێد، ئەو پۆلیسە ک داواکاری وە بایی ١٣٥ یۆڕۆ لەبان گەنجەگە نووسان، ک خوەی مووڵەتیگ داشت وەدەس نوسیاوێد و ناو خوەی لەبانی نووسیاگە، و وەخت دەرچگنی لەماڵەو دیاری کریاگە، و دیاریکرد ک پۆلیسەگان خەورداری کردن ک دەسپیچگ دەرچگنەگەی نەگونجیاگە.