شەفەق نیوز/ میدیایل راگەیانن یابانی، لە زوان وەزارەت خوەنەواری، ئمڕوو پەنجشەممە، باس کردن ک ئاست خوەیکوشتن لەناونی مناڵەیل یابان رەسیە باڵاترین ئاستەیلی لە وەرجە ٤٠ ساڵ گوزەیشتە.
وەشیکینیگ لەلایەن وەزارەتەگە دەرخست ک وەگەرد بەسیان مەکتەوەیل لەوەر پەتای کۆڤید-١٩ و پەکسخستن وەرزەیل خوەنەواری لە ساڵ گوزەیشتە، ٤١٥ خوەیکوشتن لەناو خوەنەوارەیل بنەڕەتی تا ناوەندی توومار کریا.
رووژنامەی ئاساهی وت: شمارەگە وە نزیکەی سەد خوەیکوشتن لە پارەکە ئەوبانتر بۊی، ک خوەی بەرزترین ئاستە لە ساڵ ١٩٧٤ تا ئیسە.
یابان خاوەن میژو دریژیگە وەگەرد خوەیکوشتن، جۊر وایینیگ لە شەرم و رسوایی، و ئاستەیلی لە هەفت دەوڵەتە پیشەسازیەگە ئەرا ماوەی دریژیگ بەرزتر بۊی، باوجی رەنجەیل حکومەتی ئەرا نزیکەی ٤٠ لەسەد وە ماوەی ١٥ ساڵ داوەزیا.
وەلێ لە ماوەی پەتاگە لە ٢٠٢٠ ئاستەیل خوەیکوشتن بەرز بۊی، وەتایبەت لەناو ژنەیلە وەگەرد دڵگرانی و گیچەڵەیل پۊیل ک وەگەرد بڵاوبۊن ڤایرۆس کۆڕۆنا هات، و شمارەیگ کەمتر لە پیاوەیلە خوەیان کوشتن.