شه‌فه‌ق نيوز/ وه دروشم "هات، هات!", وشدارى له‌ڕێ به‌ڵه‌نگووه‌يله‌و دريا له په‌لامار مووشه‌كى ئه‌را بان على "يونيون 3"، بنگه‌ى هاوپه‌يمانى وه سه‌رۆكايه‌تى وڵاته‌يل يه‌كرتگ له به‌غداى پايته‌خت عراق.
ئه‌و كۆمه‌ڵگا ئه‌كه‌فێده ناوچه‌ى سه‌وز، ك ناوچه‌يگه له چوارده‌ور ماڵه‌گه‌ى سه‌دام حسێن سه‌رۆك وه‌رين عراقى دروس كريا.
دوياى چه‌ن چركه‌ى كه‌ميگ له ئنزار يه‌كه‌م، ده‌نگ دو ته‌قينه‌وه ژنه‌فيا، دوياخريش ئعلانيگ تر، فه‌رمان دا هه‌ركه‌سيگ له بنگه‌گه خوه‌ى له‌ناو ژيرخانه‌يل بشارێده‌و.
باڵيۆزخانه‌ى ئه‌مريكا ئه‌كه‌فێده ئه‌و ديم رييه‌گه، ك ئه‌ويش ئامانج ئه‌گه‌ركرياێ هه‌رسێ موشه‌كه‌يل كاتيوشاس.
دوياى سه‌عاتيگ ئاگادار كريايم ك بارودوخه‌گه ئه‌مانه‌و ئه‌تويه‌نيم ده‌ربچيم، يه‌ك موشه‌ك كه‌فته ده‌رياچه‌ى دجله له نزيك و دو موشه‌كيش كه‌فتنه ناو كۆمه‌ڵگه‌ى باڵيۆزخانه‌گه.
له‌ى باوه‌ته‌و، بارى(ئافره‌تيگ 42 ساڵان و له‌ناو بنگه سه‌ربازيه‌گه ژيه‌ێد و كار ئه‌كا) وت: ئه‌يه يه‌كه‌م جار و دوياجار نيه، ئه‌ويش وه‌گووره‌ى راپۆرتيگ بى بى سى، ك شه‌فه‌ق نيوز ئاگادارى بوێ.
بارى زويتر كار له بنگه‌ى سه‌ربازى ئه‌مريكى كردياد له كابڵ پايته‌خت ئه‌فغانستان، وه‌لێ له‌ورا واز له گاره‌گه‌ى هاورد، چوينكه بارودوخ له‌وار مه‌ترسيدار بويه.
مه‌ردميش وتنه‌سه پى له به‌غدا وه ئارام ژيه‌ێد، وه‌لێ دو موشه‌ك له نزيك باڵيۆزخانه‌گه كه‌فته خوار له يه‌كه‌م شه‌و كاركردنى له به‌غدا.
له ئوكتۆبه‌ر/ ته‌شرين يه‌كه‌م 2019, زياتر له 109 موشه‌ك كاتيوشا ئاراسته‌ى ئه‌و بنگه‌يله كريا له‌عراق ك هيزه‌يل ئه‌مريكى له‌تيان وجوود داشت.
له‌ى باوه‌تيشه‌و هاوپه‌يمانى ناوده‌وڵه‌تى وت: مه‌ردمانيگ نيمچه سه‌ربازێ ك له‌لايه‌ن ئيرانه‌و پشتگيرى له‌ليان ئه‌كريه‌ێد ئه‌و په‌لاماره‌يله ئه‌نجام دانه.
دوياى ئه‌وه‌يش كرده‌وه‌ى كوشتن قاسم سلێمانى فه‌رمانده‌ى فه‌يله‌ق قودس ئيرانى له ته‌ياره‌خانه‌ى ناوده‌وڵه‌تى به‌غدا له 3ى يه‌نايه‌ر/ كانون دويه‌م ئمساڵ له‌لايه‌ن ئه‌مريكاوه ئه‌نجام گرت.
دوياى په‌نج رووژ ئيران وه په‌لاماره‌يل مووشه‌كى جواو ئه‌و كرده‌وه‌ى ئه‌مريكا داره‌و ئه‌را بان ئه‌و شوونه‌يله ك هيزه‌يل ئه‌مريكى له‌تيان وجوود داشت له عراق.
ئيسه‌يش گشت چالاكييگ له ده‌يشت بنگه‌يل قه‌يه‌غه‌س و بايه‌سه له‌بان هه‌ركسيگ وه‌و نزيكه‌و گوزه‌ر ئه‌كا مقه‌يه‌تى له خوه‌ى بكا هه‌ر له شه‌وه‌كى تائيواره.
وه‌لى وه‌ل زيايبوين رويداگه‌يل و قويله‌و بوينيان، ئه‌فسه‌ره‌يل سوپاى ئه‌مريكا له عراق هس وه‌پى ئه‌كه‌ن هه‌ر له ده‌سوه‌پيكردن په‌لاماره‌يل ئيرانى تائيسه. بنگه‌ى "يونيون 3"يش باره‌گاى سه‌ره‌كى هيزه‌يل عراقى و سه‌ركردايه‌تى هيزه‌يل هاوپه‌يمان بوى له هه‌ڵمه‌تيان دژ ريكخرياگ تيرۆريستى داعش.
بارى ئويشێد هه‌ناى ك ئه‌را دوياجار له‌ورا بويم، هه‌ر يه‌ك له ئه‌فسه‌ره‌يل ئه‌مريكى و عراقى په‌يوه‌ندى بته‌ويگ دروس كرديان له‌ڕوێ پيشه‌يى و شه‌خسى وه‌تايبه‌ت ئه‌را هووكاره‌يل ره‌سانن و هه‌ر يه‌كيگ له‌ليان باس له ئامانج هاوبه‌ش كرديان، ك ئه‌ويش راوناين ريكخرياگ داعش بوێ.
وه‌لێ ئيسه سه‌ركرده‌يل هاوپه‌يمان ناخوازن له‌وه‌رده‌م كاميرا خوه‌يان ده‌ربخه‌ن، يه‌يش له‌وه‌ختيگ په‌يوه‌نديه‌يل گوزه‌يشه دووسايه‌تى فريه‌يگ وه‌خوه‌يه‌و دى له‌ى باوه‌ته‌و.
وه‌ل ئه‌وه‌يشا ئه‌بو مه‌هدى موهه‌ندس جيگر سه‌رۆك هيزيگ نمچه سه‌ربازى سه‌ر وه ئيران له په‌لاماريگ ئاسمانى وه‌ل جه‌نراڵ قاسم سلێمانى كوشيا ك ئيسه ره‌سمى وه‌ل سه‌ره‌كرده‌يل تر سه‌ربازى عراقى دانرياگه له هه‌مان شوون ك وه‌رپرسه‌يل هاوپه‌يمان وه‌پيه‌و گوزه‌ر ئه‌كه‌ن.
گشت ئه‌و كردوه‌يله بويه خوه‌ينيشانداين دژ و ه وڵاته‌يل يه‌كگرتگ وه‌تايبه‌ت له‌وه‌خت ته‌شيعكردن ته‌رم سه‌ركرده‌يل ك له په‌لاماريگ وه‌لاى كه‌مه‌و 25 كه‌س له ئه‌ندامه‌يل سه‌ر وه‌حزبه‌يل شيعه كوشيان و له‌تى ته‌شيعكه‌ره‌يل په‌لامار باڵيۆزخانه‌ى ئه‌مريكا دان له به‌غدا، يه‌يش له‌وه‌ختيگ په‌لامار وه ته‌ياره‌يل بى ته‌ياره‌وان هێڵ قرمزه له‌لاى گرووپه‌يل شيعه‌ى نمچه سه‌ربازى.
دى ئه‌وه بوێ غه‌زه‌و روێ له جموجويل ئه‌مركيه‌يل كرد ك په‌يوه‌ندى وه ئه‌ركه‌يلى نه‌يرێد له مه‌سه‌له‌ى له‌ناوبردن ريكخرياگ تيرۆريستى داعش، وه‌ل ئه‌وه‌يشا سياسيه‌يل و مه‌ردمان نمچه سه‌ربازى سه‌ر وه‌ئيران داواى ده‌رچگن هيزه‌يل ئه‌مريكى له عراق ئه‌كه‌ن.
وه‌لێ هيزه‌يل هاوپه‌يمان ئوميد ئه‌وه ئه‌كا وه‌ى نزيكه‌يله وه‌ل عراقيه‌يل هاوپه‌يمانيه‌و ده‌س بكاده دويا كرده‌وه‌يل سه‌ربازى دژ ريكخرياگ داعش.
وه‌ل ئه‌وه‌يشا هيزيل ئه‌منى عراقى هس وه ئه‌وه ئه‌كه‌ن ك گير كردنه له‌ناوڕاس قه‌يرانيگ سياسى له‌ناونى ئيران و وڵاته‌يل يه‌كگرتگ.