ئه‌نجام ده‌يگ و قانوون وه تاوانبار ده‌يگه‌ی قه‌ڵه‌م ، دياره ده‌ق يا نه‌س قانوونه‌يل جوير قسه‌ن وه‌شيوه‌ی داناين داواكاری و فه‌رمانكردن وه نه‌كردن يا وه‌نه‌كردن كاريگ و ئاده‌ميزاد هه‌ر خوه‌ی تويه‌نيگ ئه‌و تاوانه مه‌زه‌نه بووگ له‌لای ، چوينكه وه‌ختی سه‌رپيچی كرد له فه‌رمانه‌يل قانووندانه‌ر و زه‌ره‌د ره‌سانه به‌رژه‌وه‌ندی كوومه‌ڵايه‌تی ، ئه‌وه روی وه‌ڕوی سزا بووگه‌وه ، چوينكه ئه‌و به‌رژه‌وه‌نديه‌يل كوومه‌ڵايه‌تيه له‌لايه‌ن قانووندانه‌ره‌وه مقه‌يه‌تيكردن سزايی ئه‌رای دانرياگه . ئه‌و كه‌سه ك پرس وپرسكاری سزايی وه‌ليا كريه‌يگ ، بايه‌سه ئاماده‌و ئازا بووگ ئه‌را ئه‌ڵگرتن ئه‌و وه‌رپرسياريه‌تيه‌و بايه‌سه ئه‌قڵدار و خاوه‌ن ئيراده بووگ ، چوينكه ئه‌وانه دو مه‌رج وه‌رپرسياريه‌تی سزايين ك له‌بان ئازادی ئاده‌ميزاد له‌هه‌ڵوژاردن بنيات نريه‌يگ . دياره قانوون راده‌يگ جياكه‌ر داناگه له‌ناونی چشت ره‌واو كار قه‌يه‌غه‌كرياگ و هه‌ڕه‌شه‌س ئه‌را مه‌ردم له‌وه‌ختی سه‌رپيچی له قانوونه‌يل بكه‌ن و بايه‌سه له‌ڕی مه‌شروعيه‌ته‌وه به‌رژه‌وه‌نديه‌يل ئنسانيه‌تيان دابين بكه‌ن و قانوونيش گوزارشه له نرخ و هوير وباوه‌ڕه‌يل كوومه‌ڵايه‌تی وه‌گووره‌ی ئه‌وه‌ك حوكمڕان هوير مه‌ردمه‌و هه‌مان وه‌خت دياريكه‌ر هه‌ڵسووكه‌فتيانه‌و ئه‌گه‌ر بايگ و له‌و ئه‌ركه په‌شيمانه‌و بوون ، ئه‌وه مه‌ردم ده‌سه‌وداوان مينن وه‌رانوه‌ر حوكمڕان ره‌فتاره‌يليان و دی وه‌گووره‌ی ده‌ستووره‌يليه‌وه مه‌ردم باوه‌ڕ وه ئازادی هه‌ڵوژاردن و ده‌سنيشانكردن ديرن و ئه‌و باوه‌ڕيشه نرخيگ گه‌ورای كوومه‌ڵايه‌تيه ، له‌وه‌ر ئه‌وه‌ك بنه‌ڕه‌ته‌گه له‌بان نسبه‌ی غه‌ڵه‌ت تاوانه‌گه دامه‌زرياگه‌و هه‌ر له‌بان ئه‌وه‌يش بنيات پرس و پرسكاری نريه‌يگ وه‌ل تاوانباراو بيجگه ئه‌وه‌يش بنه‌ڕه‌تيگيش نريه‌يگ ئه‌را هه‌وڵه‌يل تاوانبار له‌وه‌ر خاتر خاسه‌وكردن هه‌ڵسووكه‌فت و ره‌فتار خوه‌ی .
دياره ئازادی مه‌شقكردن له كاركردن و هه‌ڵسووكه‌فت فكره‌يگ كوومه‌ڵايه‌تی قانوونيه‌و قانوون گره‌نتی ئه‌و ئازاديه دانه‌يگ ك له ئه‌رك قانوونه‌وه په‌يا بويه‌و فه‌رمانيش وه كردن و نه‌كردن ئه‌رك قانوونه‌و هه‌مان وه‌خت ئازادی له هه‌ڵسووكه‌فتيش چشتيگ ئاشكرا نيه ، به‌ڵكوو ئازادييگ به‌ندكرياگه وه‌و باوه‌ڕه ك له چه‌ن فاكته‌ريگ جووراوجوور كاريگه‌رن و له‌تی خواست ئه‌و كه‌سه نيه‌چووگه ناويه‌وه . ئمجا ئه‌و راسيه ئه‌وه‌سه ك قانووندانه‌ر عراقی هس وه‌پی كردگه‌و هه‌ر له‌وه‌ر ئه‌وه‌يش له‌پاڵ سزاداين ، ری و شوونه‌يل خود مقه‌يه‌تيكردن گرته‌سه وه‌ر ك گه‌رديگه شوون مه‌ترسيداری تاوانا نه‌ك ته‌نيا له‌شوون سزاگه . ئمجا قانووندانه‌ر عراقی وه‌رپرسياريه‌تی يا مه‌سئووليه‌ت له‌بان بنه‌ڕه‌ت ئازادی هه‌ڵوژاردن بنيات نه‌يگ و دياره وه‌گووره‌ی ماددهی (٦٠) ئه‌و كه‌سه له‌وه‌خت ئه‌نجامداين تاوان ئه‌گه‌ر بايگ و ئه‌قڵ نه‌خه‌يگه كار له‌لايه‌ن سزاييه‌وه خوه‌ی وه‌رپرسه‌و بيجگه ئه‌وه‌يش له‌مادده‌ی (٦٢)يش وه‌هه‌مان شيوه‌و بايه‌سه بزانيگ ماددهی سزايی چوينه‌و ئه‌ركه‌يل له‌وه‌رانوه‌ر تاوانبار چوين ئه‌نجام ده‌يگ .