شەفەق نیوز - بابل

فەرماندەیی پۆلیس پارێزگای بابل، ئمڕوو شەممە، سەرنەخ بەندەیل دۆسیەی هاوڵاتیگ لەناو  خەستەخانەی  ئیمام سادق راگەیان، دویای ئەوەگ ئەنجامەیل لێکۆڵینەوەیل سەرەتایی گومان تاوانکاری لەبان رویداوەگە  دروس کرد، و وەرجە تەواوکردن رێکارەیل رادەسکردن تەرمەگە وە کەسوکاری.

لە بەیاننامەیگ فەرمی کە لە فەرماندەییگەو دەرچگە هاتیە، زانیارییە سەرەتاییەیل بۊویە مدوو گومانکردن لە تێوەگلان ژنەگە کابرای کووچکردگ، لە دانان مادەیگ ژەهراوی  قڕکردن مەلومور  لەناو چای، کە هیشت  رێکارەیل پزیشکی دادوەری و وەشکینەیل هەوەجەکریاگ لە تاقگە ئەنجام بدریەێد  ئەرا دڵنیابوین لە مدووەیل مردنی.

وەپای قسەی فەرماندەییگە، دەسوەجی، تیمیگ لێکۆڵینەوە وە سەرۆکایەتی وەڕێوەبەر بەش بەرەنگاربوینەوەی تاوان بابل، و وە بەشداری لێکۆڵەرەیل و پسپۆڕەیل بەڵگە تاوانکاری، وەدویاچگن ئەرا کەیسەگە و گردەوکردن بەڵگەیل کردن،  تۆمەتبارەگە وەپای زانیارییە ئاشکراکریایەیل ددان نا وە تاوانەگەی کە وەدەس خوەی ئەنجامدریابوی.

بەیاننامەگە دیاریکرد ئەرا  پەسەنکردن دانوەپینان توومەتبارەگە وە شیوەیگ دادوەری لەوەرچەو دادوەر لێکۆڵینەوەی تایبەتمەن، لە وەختیگ رێکارەیل یاسایی هەوەجەکریاگ لە وەرانوەری گیریاگە وەپای یاسا دەسوەسەرکریاس.