شەفەق نیوز- زیقار/ سەلاحەدین

 ناخاڵەیگ 16 ساڵە، ئمڕوو شەممە، باوگ خوەی وە سێ زەخم چەقوو لە سەری کوشت لەناو ماڵ خوەیان لە گەڕەک ئیمام لە قەزای نەسر لە باکوور پارێزگای زیقار.

سەرچەوەیگ ئەمنی ئەرا ئاژانس شەفەق نیوز وت:، هێزەیل ئەمنی توانستن کوڕەگە دەستگیر بکەن، و  ئەرا بنکەی دەسوەسەرکردن کلیبکەن تا  رێکارەیل یاسایی وەرانوەری تەواوبوود.

لە سەڵاحەدین، پۆلیس ناوخوەی، دەسگیرکردن توومەتباریگ وە هەڵگرتن بڕیگ پول تەزویر وە نرخ 50 ملیۆن دینار عراقی راگەیان، کە خوازیە لە  شار تکریت خەرجی بکەێد.

پۆلیس لە بەیاننامەیگ کە ئەرا ئاژانس شەفەق نیوز رەسیە وت: مەفرەزەیل دژە تاوان سەڵاحەدین وە بەشداری وەگەرد مەفرەزەیل وەڕێوەبەرایەتی هەواڵگری و ئەمنی پارێزگاگە، توانستن توومەتبارەگە دەسگیر بکەن دویای رەسێن زانیاری هەواڵگری هویرد وەبان هەڵگردن بڕیگ پویل ساختە.

وتیش؛ مەفرەزەیل کوڵەی قایمیگ  دانان کە بویە مدوو دەسگیرکردن توومەتبار (خ. ع. ع)، و دەسگردن وەبان بڕیگ پویل ساختە لە وەردەسی وە بڕ 50 ملیۆن دینار عراقی.

دیاری کرد، قسەی  توومەتبارەگە توومار کریا، و دان نا وە ئەوە تاوانەیلە خریاسە کوڵی ، لە وەختیگ کە دادوەر لێکۆڵینەوە بڕیار دەسوەسەرکردنی دا وەپای سزای مادەی 52 لە یاسای بانک ناوەندی عراقی، ئەرا تەواوکردن رێکارەیل یاسایی وەرانوەری.

پۆلیس دووپاتکرد وەبان وەردەوامی تەقەلایەیل لە شوینکەفتن کارەیل ساختەکاری و بڵاوکردن پویل، و گردن رێکارەیل یاسایی وەرانوەریان.