ئیدویج شیروتی هەمیش ئویشێد: رووژیگ لە رووژان، زاڕوویگ لە پۆل سێەی سەرەتایی پرسیار گرنگیگ لەباوەت کردەوەی خاس و خوەشهاڵی لەلیم کرد، ک وت: ئایا توەنیمن خوەشهاڵ بویمن، و لە خود وەختەگە بەدکار بویمن؟، و ئایا بەدکارەیل لە کەسە خاسەیل خوەشهاڵترن؟.
سەردەم مناڵی، سەردەم ئاشکراکردن گەردوون، و توانای کەسە، و زاڕووەگە خوازێد گشت چشتیگ لەی جەهانە بزانێد، و هەمیشە پرسیار کەێد، جویر پرسیارکردن لە رەفتار خاس و رەفتار بەد.
ئەو مەوقە، دەس دەێدە چشتەیل نزیکی، جویر ئەو وەیلکانە ک ئیمە پەسەنی کردیمن، ک شایەت پەیوەندییگ وەلایەن مناڵەگە وەگەرد ئەو وەیلکانە دروس بوود، و هاتێ ئەو بازی و وەیلکانەیلە بیماری دەروینی لەلای مناڵەگە پەیا بکەێد.
هونەرمەن ئەمریکی، راڵف یوجین میتیارد (1925-1972) باس گرنگی پەسەنکردن وەیلکان و بازی مناڵ وەلایەن باوگ وداڵگ کرد، لەوەر ئەو کاریگەری دەروینە لەلای بڕیگیان، ک بازی و وەیلکان مناڵەیل بیگومان کاریگەری دەروینی لەبان مناڵەگە دیرن، جویر ئاگربازی و دەوانچە و تفەنگ، ک هیلێد مناڵەگە رەفتاری تون بوود.
میتیارد لە کارەیل فوتۆگراڤی، وە سیا و چەرمگ، مناڵەیلگ و کەسەیلیگ نەناسیاگ نشان دەن، ک دەمچەویان وە ماسک هالویین پیچانە، هانە ناو بووسانەیلیگ لە ئاوای، یا کەلاوی چووڵ، یا تەویلە.
ئەو هونەرمەنە جویلەی کەسەیل نشان دەێد ک شیوەی نادیاریگ لەو جویلە دەرکەفێد، و کارەگەی وەگەرد وینەیل وەیلکانەیل چشتەیل رخبەریگ و شیوەی شەوە خەێدە ناو جەهان بیگوناهی مناڵ، تا ئەو رخە نشان بەێد ک شایەت وەیلکانەگە لەبان دەروین مناڵەگە دیرێد.
بیگومان شۆڕش تەکنەلۆژیا، بازیەیل ئەلیکترۆنی رخبەریگ هاورد، ک ئەوەیش کاریگەری بەدیگ لەبان دەروین مناڵ دیرێد.