وەرجە بازیەگە وەگەر جەبەل تاڕق، هەڵبژاردەی نەرویجی هاتە ناو یاریگاگە وە کراسەیلیگ لەقه‌یان نووسیاگە: (ماف مرۆڤ- لەناو و دەیشت یاریگا).
و ئەو دروشمە گرنگی گەورایگ لەلایەن رێکخراوەیل ماف مرۆڤ و میدیایل راگەیانن وەخوەی دی.
رێکخراو وەخشین ناودەوڵەتی لە بەیاننامەیگ وت: خوەی لە هەڵمەتەگەی نەرویج رازیە، و وت: دیرێد رێز لە هەڵمەت بازیگەرەیل ئەرا دیاریکردن ئەو ئەرزشەیلە گریەێد ک نەرویج نۆێنەرایەتییان کەێد، و ئەوەگ خوەی بنەمای تۆپان بازییە.
گرنگ و شازە ک جهان تۆپان ئیسە جەخت بکەێدە بان چوینیەتی بتەوکردن ماف مرۆڤ لە قەتەر و بەشەیلیگ تر لە جهان، و لە وتاریگ وەرین لەلایەن یەکێتی نەرویجی لە ناوڕاس ئی مانگە تا حوزەیران ئایندە بڕیار دەێد ئەگەر لەوەر پێشێلکارەیل ماف مرۆڤ لە قەتەر دژوە کارمەنە بیگانەکان بایکۆت جام جهانی ٢٠٢٢ کەێد، و هەمیش بانگه‌واز ئەرا بەشیگ لە یانەیل نەرویجی و دەنیمارکی کرد ئەرا بایکۆتکردن جام جهانی لە قەتەر ، چوونکە وەڕاسیەو گەندەڵی و کوێلایەتیە نووەکان و ژمارەی گەورایگ لە مردنەکان لەلای ئیمە بنەمای گشت چشتیگە جوور «بازی تۆپان » و جام جهانی، و هەمیش بازیگەر هەسارە ئێرلنج هالاند وت: من له هەڵبژاردەی نەرویجم، پەیامیگ ئەرا جهان وەخاتر ماف مرۆڤ لەباوەت دەوڵەتە رێکخەرەگەی جام جهانی ئاڕاستە کردم.
دەوڵەت قەتەر لە ساڵەیل دویایین رەخنەیلیگ فرە لە رێکخراوەیلیگ ماف مرۆف وەرگرد لەوەر دەورە خراوەگەی لە رەفتارکردن وەگەرد کارمەن و بیگانەیل لە کار بیناسازی یاریگایل مۆندیالەگە.
ماڵپەڕ خەوەری ئەڵمانی لە راپۆرتیگ وت: هیمان جام جهانی ٢٠٢٠ لە قەتەر جیگەی رەخنەکانە، ک رەوشەیل کار و کارمەنە بیگانەکان لە دامەزراوەیل پاڵەوانییەگە کارەساتباره.
لە مانگ گوزەیشتە، رێکخراو وەخشین ناودەوڵەتی داوا لە قەتەر کرد لێکۆڵینەوەیگ سەروەخوەی لە مردن کارمەنەکان بکەێد، و داخواز تەشریح تەرمەکانیان کرد ئەرا دیاریکردن هووکار مردنەگە، ئەگەر رەوشەگە نادیار بوی. وەگورەی بەیاننامە ناودەوڵەتیەکان و رێکخراوەیل ماف مرۆڤ، زیاتر لە ٦٥٠٠ کارمەن بیگانە لەخەڵک وڵات هیند ، پاکستان ، نیپال ، بەنگلادیش ، سریلانکا و بەشیگ تر لە دەوڵەتە ئاسیاییەکان مردنە، لەوەختیگ قه‌ته‌ر ماف میوانیکردن جام جهانی ٢٠٢٢ وەرگرد.
و بڕیارە پاڵەوانییەگە لە ماوەی ناونی ٢١ تەشرین دوویەم تا ١٨ی کانون یەکەم ٢٠٢٢ دەسوەپی بکەێد.