سەڵاح مەندلاوی/ ئیماڕات وە خاسی رەفتارەگەی بیناکریا، لە پەنابردنی ئەرا پسپۆڕ و سەرکەفتگەگان لە گشت باوەتیگ، ک شێخ زاید گووشگردیاد لە تەمەیل عەدنان پاچەچی.
و کوڕەگانی وەشوون پلانەگەی ریکردن، ودەسکردنە بینای تەلارە نیشتەجیەگان وەشیوەی نیۆیۆڕک پایتەخت جهانی، و چمانی شێخەگە تەما دیرێد ک ئیماڕات لە بەسرە خاسترەو بوود ک رووژیگ لە رووژان مرواری خەلیج بوی، ودویای بینای تاوەر خەلیفە لەبنەمای مەلوەیەی سامەڕا بوی، و هویر کردنەوە وە ئاڵشتکردن گەشوهەوا وە هاوردن کوت گەورایگ لە یەخ جەمسەر باشووری وە کەشتیەیل تایبەتیگ ئەرا ئاڵشتکردن کەشوهەوای ئیماڕات، ودیارە ک دویاخریا.
ئەرا هووکارەیلیگ ک هویرەگە ئاڵشتبوی ئەرا رەوانەکردن کەشت ئاسمانییگ ئەرا مەڕیخ لە ری یابانەو، و لەناوی زانستن ک ئیسڕائیل دەس دریژیگ لەی کارە دیرێد و هەمیش شکست هاورد لە وەشانن مووشەکەیلیگ ک سوودیگ ئەرایان نەیرێد، ک هالە شوون کارەیلیگ بیلێدەی فرەتر لە ئاسایش و ئارامی بوود، ئیجا ئیماڕات تەمەیان کرد تا سوود لە توانای ئیسڕائیل بگرێد ک مینەی جوور سێ دوورگەکە کەێد تومب گەورا و بویچگ و ئەبو موسا، تا بکەێدەیانە چزیگ ئەرا ئیران ک پەیای حزبوڵلا کرد لە باشوور لوبنان تابویە چەقویگ لە کەمەر ئیسڕائیل، ولە رووژەیل قەیرانی رەوش لوبنان وە باوەتەگەی حەریری و کارەسات بەندەر بەیروت، رێککەفتن ئیماڕات و ئیسڕائیل دەسکردەپی، ک ئیماڕات مینەی مقەیەتی تەلارە شیشەگانی کەێد لە بنەمای'' ئەگەر ماڵەگەد شیشەس کوچگ ئەرا مەردم نەوەشن'' و ئیسڕائیل ‌چقەویگ لە کەمەر ئیران خوازێد ک ٢٠٠٠ کێلومەتر لە ئیسڕائیل دویرە، وهەمیش کاریگە گەشەکەێد جوور شەپۆل تەکانەگان لەناو دەریا، و هەمیش سەرۆک تڕامپ خوازێد سەرکەفتنیگ تۆمار بکەێد ئەرا پلانە دەیشتیەگانی لە بانگوازی ئەرا ئاشتی لەناونی عەرەو وئیسڕائیل، ک بریارە بەشیگ لە دەوڵەتە عەروەیەگان بڕیار پەیماننامەی ئیماڕاتی ئیسڕائیلیەگە بیەن.