هادى جله‌و مه‌رعى/ دڵته‌نگم، داخ گرانيگمه ئه‌را ئه‌و مونافقى و دروو و ده‌له‌سه ك دوينم له‌وانه‌گ باس ئه‌كه‌ن و ئويشن پشتگيرى خوه‌ينيشانده‌ره‌يل و خوه‌ينيشانداين ئه‌كه‌يم له به‌غداو پاريزگايه‌يل تر ك خوه‌ينيشانداين له‌تيان ئه‌نجام درياو زياتر دريه‌ێد، ئمجا مونافقى له‌لاى سياسيه‌يل و رووژنامه‌نويسه‌يل و چالاكوانه‌يل و پيشكه‌شكاره‌يل به‌رنامه‌و ئه‌ندامه‌يليگ له فراكسيۆنه‌يل سياسى..
وه ژانه‌و له نهێنييم بخه‌ن، من رووژنامه‌نويسم و وه‌رجه 2003 كار كردم و دوياى ئى ساڵيشه‌و تائيسه‌يش، ئى گه‌رده‌لويل ده‌نگده‌ره ناسم و له سووكى و خراوه‌كارى، ژانم ئه‌وه‌سه چوينكه من ئه‌و كه‌سه‌يله دوينم موزايده له‌بان ژان جايه‌ڵ جوانه‌يل و رووشنهويره‌يل ئاسايى و كه‌سه‌يل ورسگ ئه‌كه‌ن.
به‌رنامه‌يل ته‌له‌فزيۆنى دوينم و ئحساس وه ژان ئه‌كه‌م.. كه‌ناڵه‌يل ئاسمانى له‌لايه‌ن گه‌ورا دزه‌يله‌و خاوه‌ندارێتى ئه‌كه‌ن و وه دريژايى شه‌و و رووژ ئاشكراى پشتگيرى له خوه‌ينيشانده‌ره‌يل ئه‌گه‌ن و وه دروو لايه‌نگرييان ئه‌كه‌ن، وه‌لێ مساومه‌ى دارايى خاوه‌نى ئه‌كا له‌بان غه‌نيمه، هه‌زاران خوه‌ينيشانده‌ره‌يليش گه‌ردنه شوون چاره‌سه‌ر, وه‌لێ روێ وه‌ڕوێ سياسيه‌يل شه‌يتان و ره‌ساننكاره‌يل و ئنتهازيه‌يل و ئه‌ندامه‌يل له حزب و كه‌سه‌يل بوونه‌و كار ئه‌را ده‌ره‌كى ئه‌كه‌ن، ته‌نانه‌ت سياسيه‌يل و كه‌ناڵه‌يل ئاسمانييش ك خوه‌ينيشانداينه‌يل ره‌ته‌و ئه‌كه‌ن ئه‌گه‌ردنه شوون ده‌سكه‌فت سياسى و دارايى و ئابوورى.
ژانم ئه‌وه‌سه ك عراق بويه‌سه ده‌ريايگ له ژان و شه‌پۆله‌يل تون و به‌رز له‌تى ده‌ن له خوه‌يان و كه‌سه‌يل سه‌ركه‌فتگيش ئه‌خوازن سوار شه‌پۆله‌گه بوون، ئمجا له‌ليان هه‌س له‌بان ته‌خته‌و له‌ليانيش سوار كه‌شتى و له‌ليانيش هه‌ن له‌بان به‌له‌م و يه‌خت سوار بوينه‌و غه‌يره ئه‌وانيش سوار به‌له‌م بوينه وه جموجويلده‌ريگ كار وه بانزين ئه‌كا.
ژان ئه‌وه‌سه به‌رنامه‌يگ بوينم و پيشكه‌شكاريگ له هساو دز كار بكا و پيشكه‌شكاريگ ئنتهازى و دز و ميوانيش دزيگه‌و چه‌ن ماڵيگ وه حه‌رام سه‌ندگه‌و وه وه‌زاره‌يله‌و گوزه‌ر ئه‌كا وه‌ناو سه‌رۆك فراكسيۆنه‌گه‌ى و كه‌س دويه‌ميش ملياره‌ها هه‌ڵگرتگه ل هه‌مان وه‌زاره‌ت و كه‌س سێيه‌ميش سه‌ر وه فراكسيۆنيگه ملياره‌ها دزيه.
خودا ده‌سميه‌ت ملله‌ت خوه‌ينيشانده‌ر بيه‌ێد ك وه نك ناهمييه‌و گله‌و خوه‌ێد ئه‌را ماڵه‌گه‌ێ، وه‌لێ ئه‌وانه‌گ پشتگيرى له خوه‌ينيشانده‌ره‌يل ئه‌كه‌ن و ده‌سدريژى كردنه بانى گرده‌و بوون ئه‌را به‌شكردن پۆسته‌يل و پويل وه ملياره‌ها.
كه‌س شه‌رافه‌تمه‌ند له خوسه‌و ژان و بيبه‌شى مرێد. بيلا با بمرێد(بچوود و دى ناێده‌و) له وڵاتيگ نيفاق حوكمى ئه‌كا.