وه‌پی كرد و دوينيمن ك پرۆسه‌ی به‌شه‌وكردن پۆسته‌يل ده‌س وه‌پی كردگه‌و هه‌ر لايه‌نيگ ته‌قالا ئه‌كا توانايه‌يل و هێز خوه‌ی نيشان بيه‌يگ وه فيشتر لايه‌نه‌يل پشت به‌سانه‌سه سه‌رمايه‌دار بيگانه و چوينيه‌تی چاره‌سه‌ر كردن داخوازيه‌يل ملله‌ت جوور بيكاری و پيشكه‌ش كردن گشت خزمه‌تگۆزاريه‌يل و هه‌وه‌جه‌يل تره‌ك ئه‌ی كاره سه‌ركه‌فيگ و ئيمه له‌ی وه‌خته نيمه دژی وه‌لی توايم بپرسيم ك ئه‌و جووره‌گ ئاشكراس دارايه‌يل فره‌يگ ئه‌را دعايه‌يل هه‌ڵوژاردنی خه‌رج كريان وه‌لی نيه‌پرسيم ك ئه‌ی دارايه‌يله له‌كورا هاتن هه‌ميش توايم بويشيم بڕيگ له‌ی كه‌سايه‌تيه‌يله دارايه‌يل و ماڵ و موڵكه‌يليگ فره‌يگ ديرن و له شه‌ريكه‌يل بيگانه به‌شدارن وه‌لی ته‌نيا ئه‌ی پرسياره له‌ليان كه‌يم ك ئه‌را دارايه‌يلدان له ناو وڵات خوه‌دان سه‌رمايه‌گۆزاری نيه‌كه‌ين ؟ و چوين ئه‌و دارايه‌يله ئه‌را ده‌يشت وڵات كل كردين ؟ وه ئه‌را بڕيگ له‌ی كه‌سايه‌تيه‌يله له په‌رله‌مان ئاشكرا نه‌كردن چه‌نی دارايی ديرن ؟ له‌يراسه ك ئه‌رامان ئاشكرا بوود هه‌ر كه‌سيگ دارايه‌يل قانوونيگ ديريگ ترسيگ نه‌يريگ وه له وڵات خوه‌ی سه‌رمايه‌گۆزاريان ئه‌كا و هاله دژ سه‌رمايه‌گۆزاری بيگانه و ته‌قالا ئه‌كا ئه‌را ديفاع كردن له كه‌رت تايبه‌ت نيشتمانی . ئيمه دريژه ده‌يمنه پرسيار كردن له‌ی كه‌سايه‌تيه‌يله ك ته‌قالا كه‌ن ئه‌را به‌شه‌و كردن دارايه‌يل ك سه‌رمايه‌يل نيشتمانی چه وه‌پيان هات ؟