شەفەق نیوز ـ دیوانیە
دادگای هێزەیل ئەمنی ناوخۆ، ئمڕوو دووشەممە، سزای زیندانیکردن وە ماوەی 10 ساڵ و دەرکردن لە خزمەت دەرکرد ئەرا ئەفسەریگ و مەفەوەزیگ و چەن کارمەندەیگ، لەبان دۆسیەی دەسدرویژی سێکسی وەبان ژنە بەندکریایگ لە ناو بنکەی پولیس نەهزە لە پارێزگای دیوانیە.
سەرچەوەیگ ئەمنی ئەرا ئاژانس شەفەق نیوز دووپاتکرد سزاگە لەوەر ئەو رویداوە بویە کە ژنە بەندکریایگەگە لە ناو بنکەی پولیس وەرەوڕووی بویە، لەوەختیگ زانیارییەیل وەردەس وردەکاری ئەو مادە یاساییەیلە نەگردیەسەخوەی کە دادگا لە بڕیارەگەی پشت وەپێ بەساگە.
سەرۆک لیژنەی ئەمنی لە ئەنجومەن پارێزگای دیوانیە خوزەیر شەریف مەیاحی، لە سەرەتای مانگ ئاب، ئاشکرای کرد، ئەفسەر لێکۆڵینەوە وە پلەی نەقیب، و پیاویگ ئەمنی، و مەفەوەزیگ هەڵسانە وە دەرکردن ژنە بەندکریایگەگە لە بنکەی پۆلیس "نەهزە" لە وەختیگ دیروەخت لە شەو، و بردنی ئەرا وتاق خەفتن تایوەت وە ئەفسەرەیل بنکەگە دەسدرویژی سێکسی وەبانی کردنە، وەرجە ئەوەگ بوەنەوەی ئەرا زیندان.
کۆمسیۆنی باڵای مافەیل مرۆڤ وەدویاچگن ئەرا ریگەیل دادوەرییەگە راگەیان، وەزارەت ناوخۆ تەمێ دا وە وەرگرتن بەدترین سزا لە وەرانوەر ئەو کەسەیلە.