فاتیمە سەڵاح ئەرکەوازی/ کەمیگ ئەسەڵ وەبان زەوی رشیاوی، مرویژەی بویچگیگ هات و تامی کرد و تواست بچوود باوجی تام ئەسەڵەگە وەلایەو شیرین و خوەش بوی، دوارە گلەوخوارد و تاقە بەشیگ ترەک لەلی خوارد.
دوارە دڵی قرچی، جاریگ ترەک هەس کرد خواردن لەلیوار ئەسەڵەگە بەس نییە و تام راسکانی نیەدەێد وەی مدووە بڕیاردا قونتە بکوتێد وە ناوڕاس ئەسەڵەگە و زیاتر و زیاتر لەلی بخوەێد و تام لەلی بوینێد.
باوجی دی نەتوەنست لەناوی باێدە دەر و قولەیلی وە زەوی چەسپیا و و ئاز جویلەکردن نەیاشت، وەیجویرە تا لە ئەنجام مرد.
بنجامین فرانکلین چ جوان وت: "دونیای چشتیگ نییە بیجگە لە ئەسەڵ گەپیگ!"
ئەوەگ وە خواردن بەش کەمیگ لەلی بەسی نەوی لە شیرینیەگەی خنکێد و لەناوچوود وەیجویرەس چیرووک ژیان.
زندگی جویر ئەسەڵ شیرین و دڵنشینە باوجی ئەرا تام راسکانیەگەی بایەت جویر خەرەنگز وە شەکەتی و دویز ئەسەڵ ئەسەل سازن، ئیمەیش وە سەبر و کووشانکردن، چرکەیل شیرین زندگی دروس بکەیمن.
زندگی گاجاریگ تێڵی خوەی دیرێد جویر شیلەی گوڵ کە خەرەنگزەیل گردەو کەن و هاتێ تامی خوەش نەود و وەدڵەوچێد، باوجی ئێ تێڵیەیلە وە خاسی بخرێنە دابینکاریەیل زندگی و وەکاربارێد ئاڵشتبوود وە شیرینیگ هەمیشەیی.
گاجاریگ سەختیەیل و چالشەگان جویر چز خەرەنگزە باوجی لە کۆتایی هەمان شیرینی و رەنگینی زندگی دیرێد.
زندگی هووکارەمان کەێد بایەد چرکە وە چرکەی ئەستەمەیل رێز نیشان بیەیمن، چوینکە هەر ئەوانە بەشیگن لە جادەیل زندگیمان لە ریەیل رەسین وە تەواوکاریەیل زندگی.