شەفەق نیوز ـ بەغدا
شەوەکی ئمڕوو یەکشەممە (21 ئەیلول 2025) ساڵ خوەنستن نوو 2025-2026 لە گشت پارێزگایەیل عراق کوتا، وە بەشداری زیاتر لە 12 خوەنەوار قۆناغە جیاوازەیل خوەنین، (بیجگە لە هەریم کوردستان)
وەزارەت پەروەردەی عراق وت ئمساڵ زیاتر لە یەک ملیۆن و 200 کەس خوەنەوار پۆل یەک بنەڕەتین، دووپاتکرد کۆتایی وە گشت ئامادەکارەیل هاتیە لە دابینکردن کتاو مەکتەو و خوازینەیل پەروەردەیی، تا رەسین وە ئامادەکردن بینای مەکتەو.
وەزارەتەگە وتیش، پلان تەواوکاریگ دانریاس ئەرا مسۆەرکردن سەقامیگیری پرۆسەی پەروەردەیی و وەدویاچگن مەکتەوەیل گشت پارێزگایەیل، کارمەندەیل پەروەردە دەسکردنەس وە دەوام لە سەرەتای مانگ ئەیلول ئەرا وەڕێوەچگن دەوام وە رێک و پێکێ.