شەفەق نیوز - بەغدا
دیاری کریاس کە سەرۆک ئەنجومەن وەزیران عەلی ئەلزەیدی، شەوەکی ئمڕوو چوارشەممە، لەری فرۆکەخانەی بەغدای ناودەوڵەتی عراق وەریبکەفێد و وەرەو دیمەشق پایتەخت سوریا لە سەردانیگ فەرمی کە لە میانەی دیداریگ وەگەرد سەرۆک سوری ئەحمەد ئەلشەرع ئەنجام دەێد.
سەرچەوەیگ ئاگادار ئەرا ئاژانس شەفەق نیوز وت: زەیدی وەگەرد وەرپرسەیل لە سوریا باس لە پەیوەنییەیل دووانی و دۆسیەیل هاوبەش لە روی سیاسی و ئەمنی و ئابوورییەو کەێد.
ئی سەردانە لە چوارچمگ درویژەدان وە گەردینە هەرێمیەگەی تێد کە زەیدی لە ناوڕاس مانگ تشرینی یەکەم/ئۆکتۆبەری ئی ساڵە وە سەردانیگ فەرمی ئەرا عەرەبستان سعودیە دەسوەپیکرد، وەرجە ئەوەگ لە 26 هەمان مانگ سەردانیگ هاوشیوە ئەرا ئوردن ئەنجام بەێد.