شەفەق نیوز- بەغدا / ئەنقەرە

نووترين داتایەیل فەرمی ئەرا بەشەوکردن سەردانکەرەیل بیانی هاتگ ئەرا تورکیا دیاری کرد کە بەرزەوبوین شمارەی سەردانکەرەیل عراقی لەماوەی مانگ ئاب ئیسە ئەرا 143,322 سەردانکەر بوی  لە وەرانوەر 140,441 سەردانکەر لە هەمان مانگ لە ساڵ گوزەشتە، وە بەرزەوبوونیگ کە رەسیە 2.05%.

وەپای داتایەیل، سەردانکەرەیل عراقی 2.06% لە گشت گەشتیارەیل بیانی  پێکهاورد  ئەرا تورکیا لەماوەی مانگەگە، تا برەسێدەلوتکەی لیست سەردانکەرەیل عەرەب و بکەفێدە ناوەین دیارترین رەگەزنامەیل هاتگ.

روسیا لە دەسەی بان لیستەگە بوی وە 1,052,211 سەردانکەر، و دویای ئیران هات وە 381,495 سەردانکەر، لە وەختیگ کە شانشین عەرەبی سعودی وە 143,000 سەردانکەر هات، و ئوردن وە 43,742 سەردانکەر، و لبنان وە 38,191 سەردانکەر.

هەمیش رەگەزنامەیل ترەک بەرزەوبوین دیاریگ توومار کردن، دیارترینیان سەردانکەرەیل چینی بوین وە بەرزەوبوونیگ کە رەسیە 64.77% (61,251 سەردانکەر)، و مصرییەل وە بەرزەوبوونیگ 46.92% (32,458 سەردانکەر).