شەفەق نیوز - نەینەوا
پارێزگار نەینەوا عەبدولقادر دەخیل، ئمڕوو سێشەممە، کارە جیوەجیکارییەیل ئەرا دروسکردن یەکەم باخچەی میژوویی گەشتیاری لە قەڵای باشتابیای شوینەواری لەبان رووبەریگ کە رەسێدە 10 هەزار مەتر چوارگووشە وەڕی خست، لە گامیگ کە ئامانج لەلی وەرەونوابردن دیمەن شارستانی و زینگەوکردن یەکیگ لە دیارترین شوینەوارە میژووییەیلە لە شار موسڵ.
پارێزگای نەینەوا لە بەیاننامەیگ دیاری کرد، کە وەڕێخستن کارەیلە وە ئامادەبۊن وەشکنەر شوینەوارەیل نەینەوا روەیدەلەیلە، و وەڕێوەبەر پرۆژەیل بەش رووشنهوییری لە نویسینگەی یونسکۆ – عراق کاترین هاین جیوەجی کریا، لە چوارچیوەی ئەو تەقەلایەیل کە ئامانج لەلیان پاڵپشتیکردن پرۆژەیل دووارە نووەوکردن شوینە کەلەپووری و رووشنهویری و گەشتیارییەیلە لە پارێزگاگە، و دەرخستن نرخ میژوویی ئەرا قەڵای باشتابیا و دەورگردی.