372 له به‌غدا سه‌رله‌نوو ده‌عوه‌ت كرد ك پارێزگایگ ئه‌را كورده‌يل فه‌يلی له خاك هه‌رێم كوردستان دروس بكريه‌يگ و له‌بان ئه‌ی باوه‌ته جه‌خت كرد ك ده‌سه‌ی په‌يوه‌نديگ دامه‌زرياس تا ئه‌ی هويره په‌خشه‌و بكه‌يگ و كۆنفرانسيگ له‌ی باوه‌ته رێكبخريه‌يگ و برياره‌يل ئه‌ی كۆنفرانسه ئه‌را سه‌رۆكايه‌تی هه‌رێم كوردستان به‌رزه‌و بكريه‌يگ . ناوبرياگ له ته‌سريح تايبه‌تيگ ئه‌را راديۆ شه‌فه‌ق وه‌ت ئه‌گه‌ر بتويه‌نيگ متمانه يا سقه‌ی ده‌نگده‌ره‌يل كورد له به‌غدا وه‌ده‌س باريگ ته‌قالا كه‌يگ ئه‌را بته‌و كردن په‌وه‌نديه‌يل ناونی به‌غدا و سه‌ركردايه‌تيه‌يل كوردستانی وه‌ئامانج چاره‌سه‌ر كردن كيشه‌يل چاره‌سه‌ر نه‌كرياگ له‌ناونی دولايه‌ن وه‌تايبه‌ت باوه‌ت ناوچه‌يليگ ناكووكی هاله‌بانيان و باوه‌ت رێككه‌فتنه‌يل نه‌فتی ئمزا كرياگ له‌لايه‌ن هه‌رێم كوردستان و باوه‌ت پيشمه‌رگه و هه‌ميش به‌ش هه‌رێم كوردستان له ميزانيه‌ی عراق فيدراڵ . سندی له‌كوتايی قسيه‌يله‌گه‌ی له گشت هاووڵاتيه‌يل عراقی وه تايبه‌ت كورده‌يل فه‌يلی نيشته‌جای به‌غدا تواس به‌شداری چالاكيگ له هه‌ڵوژاردنه‌يل ئايه‌نده داشتوون .