بارودوخ گوزه‌شته دویری بگرن ك وه‌گوره‌ی ده‌رفه‌ته‌یل كاری وڵات وه‌گوره‌ی پارته‌یل و خزمایه‌تی و ره‌شبه‌ت به‌شه‌و كریان، یا وه‌رجله ڕمیان ده‌سه‌ڵات دكتاتۆری وه‌رین موچه و به‌رژه‌وه‌ندیه‌یل كارمه‌نده‌یل عیراقی وه ئه‌ندازه‌یگ كه‌م بوی ك فیشتر ئه‌ی كارمه‌نده‌یله كاره‌یلیان هیشتنه‌جی . له‌شوون ڕمیان ده‌سه‌ڵات دكتاتۆری هاووڵاتی سه‌رله‌نوو ئۆمید په‌یا كرد ك بتویه‌نیگ وه ئا‌ره‌زوه‌یل خوه‌ی بڕه‌سیگ و سه‌رله‌نوو ئه‌را ئاست كاری خوه‌ی له دائره‌و ده‌زگایل ده‌وڵه‌ت گله‌و بخوه‌یگ و كه‌سایه‌تی گونجیاگ له پۆست گونجیاگ خوه‌ی ده‌س وه‌كار بوود و دادوه‌ری له به‌شه‌و كردن ده‌رفه‌ته‌یل كاری زامن بكریه‌یگ بی ئه‌وه‌گ وه ره‌شوه‌ت و پشتگیری كاروه‌ده‌سیگ هه‌وه‌جه په‌یا بكه‌یم ، وه‌لی وه‌داخه‌و دوینمن ك هاووڵاتی سه‌رله‌نوو دویره‌و خریا و وه‌جی مه‌نگه‌یل ده‌سه‌ڵات دیكتاتۆری وه‌رین سه‌رله‌نوو ئه‌را پۆسته‌یل وڵات گله‌و دریان و هاووڵاتی مه‌زڵووم هه‌ر مه‌زڵووم مینیگه‌ی و ڕووژ له‌دویای ڕووژ گه‌ناته‌كاری و ویرانی له وڵات زیایه‌و بوود . له بودجه‌ی گشتی پاره‌كه هویچ ئشاره‌تیگ نه‌كریاسه ده‌رفه‌ت كاری ئه‌را هاووڵاتیه‌یل و جاری بیكاری له‌گشتلای وڵات په‌خشه‌و بویه و گشت ڕووژیگ وه‌شماره‌ی ده‌رچگه‌یل زانكۆه‌یل و پیمانگایه‌یل و ئاماده‌یه‌یل وڵات زیایه‌و بوود ك هاله دژ پیش كه‌فتن ئابووری و ئاست خزمه‌تگۆزاری له وڵات . وه‌لی له بودجه‌ی ئمساڵ به‌ند یا فه‌قه‌ره‌یلیگ دیاری كریاس ئه‌را چاره‌سه‌ر كردن ئه‌ی دیارده‌ی خراوه و له‌چوارچیوه‌ی بودجه‌ی ئمساڵ 115 هه‌زار ده‌رفه‌ت كاری دیاری كریاگه وه تویه‌نیم بویشیم ك ئه‌ی ده‌رفه‌ته‌یل كاریه سه‌رله‌نوو تویه‌نیگ هاووڵاتیه‌یل فره‌یگ ئۆمیدواره‌و بكه‌یگ تا بتویه‌نن له بوار یا مه‌جالیگ له‌تی پسپۆرن ده‌سوه‌كر بوون و وه خوه‌یان و خێزانیان و له‌وانه گرنگتر وه وڵاتیان خزمه‌ت بكه‌ن .