شەفەق نیوز - دیالە

سەرچەوەیگ ئەمنی لە پارێزگای دیالە، ئمڕوو دوشەممە، خەوەردا لە خنکیان مناڵیگ کە تەمەنی رەسێدە 3 ساڵ لەئەنجام کەفتنی وەناو پرۆژەی ئاو سەب لە ناوچەی خوێڵس لە قەزای خاڵس.

 سەرچەوەگە ئەرا ئاژانس شەفەق نیوز وت:  "مناڵەگە لەو ناوچە بویە و کەفتیەسە ناو پرۆژەی ئاوەگە، کە دەسوەجی بویە هووکار خنکیانی لەوەر تافی ئاوەگە".

 وتیش: "خەڵکەگە دەس کردنە مینەکردن، و تۊەنستن تەرمەگە دەر بیارن"، وتیش: "هیزە ئەمنییەیل لێکۆڵینەوە لە رویداوەگە واز کردن ئەرا رەسین وە بندروس رویداوەگە".