ئه‌ده‌بی و خوه‌ندكاره‌يل زانكۆی به‌غدا- كۆليژ زوان - به‌ش زوان كوردی ، سه‌نديكای ڕووژنامه‌نويسی كوردستان لق به‌غدا له‌ باره‌گاى ده‌زگای ڕووشنهويری و ڕه‌سانن كورده‌يل فه‌يلی شه‌فه‌ق كۆڕيگ له‌ژيرناونيشان (نه‌خش ڕووژنامه‌نويسی كوردستان له‌ پێشخستن ڕخنه‌ی ئه‌ده‌بى كوردی ) به‌رپا كرد . له‌سه‌ره‌تای كۆڕه‌گه‌ له‌لايه‌ن كاروه‌ده‌سيگ ده‌زگای شه‌فه‌ق پێشوازی له‌ ئاماده‌بويه‌يل كريا و له‌شوونيش دكتۆر عادل گه‌رميانی وه‌ڕيه‌وبه‌ر به‌ش زوان كوردی له‌ كۆليژ زوان وته‌يگ پێشكه‌ش كرد و له‌ناو وته‌گه‌ی ئاماژه‌ كرده‌ ميژوو ڕخنه‌ی ئه‌ده‌بی كوردی و هه‌ميش ئاشكراى كرد ك ئه‌ی باوه‌ته‌ لايه‌نيگ گرنگه‌ ئه‌را پێشخستن ده‌ق ئه‌ده‌بی و به‌رزه‌وكردن ڕووشه‌نهويری و كلتوور كوردی . دوياتر دكتۆر ئبراهيم عه‌بدولڕه‌حمان مامۆستای زوان كوردی له‌ كۆليژ زوان ئشاره‌ت كرده‌ هۆكاره‌يل نزمه‌وبوين ئاست ڕووشنهويری له‌لای خوه‌ندكاره‌يل زانكۆه‌يل وه‌ تايبه‌ت به‌ش زوان كوردی ، وه‌ ئه‌ی كيشه‌ وه‌بڕيگ له‌ هۆكاره‌يل په‌يوه‌ندی دا ، جوور ئاڵشته‌وكردن مه‌نهه‌جه‌يل ده‌رسداين و نه‌بوين كتاوخانه‌یگ كوردى ك ده‌سمه‌يه‌ت خوه‌ندكاره‌يل بيه‌يگ ئه‌را وه‌ده‌س هاوردن سه‌رچاوه‌يل جووروه‌جوور وه‌ هه‌ميش نزمه‌وبوين ئاست زانستی و ڕووشنهويری بڕيگ له‌ مامۆستايه‌يل . له‌كوتايی كۆڕه‌گه‌يش هه‌ردو مامۆستايه‌يل وه‌ پرسياره‌يل شماره‌يگ له‌ خوه‌ندكاره‌يل وئاماده‌بويه‌يل كۆڕه‌گه‌ جواودان .شايان باسه‌ كۆڕه‌گه‌ نزيكه‌ی دو كاتشمار دريژه‌ كيشا.