هاوپه‌يمانی كوردستان له‌ هه‌ڵوژاردنه‌يل په‌رله‌مانی ئايه‌نده‌ له‌ عراق له‌بان ئه‌ی باوه‌ته‌ جه‌خت كرد له‌وه‌خت ده‌سه‌ڵات وه‌رين زۆڵم و زوور فره‌يگ وه‌حه‌ق كورده‌يل نيشته‌جای به‌غدا كريا وه‌ تايبه‌ت كورده‌يل فه‌يلی وه‌ ئه‌ی زۆڵمه‌ تا ئيسه‌ وه‌ردوامه‌ و كوتايی وه‌پی نه‌هاتگه‌ . ناوبرياگ هه‌ميش وه‌ت ئمساڵ  48هه‌زار بوار كاری له‌ وزاره‌ت ته‌ربيه‌ وجود ديريگ و زه‌روره‌ت ديريگ ده‌رچگه‌يل كورد له‌ كوليجه‌يل به‌غدا وه‌ تايبه‌ت كورده‌يل فه‌يلی به‌شيگ له‌ی بواره‌يل كاريه‌ بگرنه‌ده‌س . حسين جاف له‌دريژه‌ی قسيه‌يله‌گه‌ی ئه‌را راديۆشه‌فه‌ق وه‌ت گشت هاووڵاتيه‌يل نيشته‌جای به‌غدا و كورده‌يل وه‌ تايبه‌ت بايه‌د به‌شداری چاڵاكيگ له‌ هه‌ڵوژاردنه‌يل مانگ ئايه‌نده‌ داشتوون و ده‌نگ بيه‌نه‌ كانديده‌يل ليست هاوپه‌يمانی كوردستانی تا بتويه‌نن ته‌جرۆبه‌ی هه‌رێميش له‌به‌غدا و پارێزگايه‌يل تره‌ك سه‌ربخه‌ن و عراق ديمۆكرای فيدراڵی و يه‌كه‌و گرتگيگ دامه‌زرنن .