شەفەق نیوز ـ هەولێر
پارێزگار هەولێر پایتەخت هەرێم کوردستان، ئمڕوو چوارشەممە، راگەیان شمارەی ئەو درۆن و مووشەکەیلە پەلامار هەولێر دانە تا ئیرنگە زیاترە لە 100 گلە، و تا ئیسە وەردەوامە، حکومەت عراق وەرپرسیارەتی ئیە هەڵگرێد.
خۆشناو لە کۆنگرەیگ رووژنامەوانی کە ئمڕوو ئەنجامیدا و پەیامنێر ئاژانس شەفەق نیوز ئامادەبوی راگەیان، پەلاماردانەیل درۆنەیل لە ناوچە جیاوازەیل عراقە وەبان هەرێم کوردستان، کە کۆمەڵەیل دەیشت یاسا ئەنجامیدەن، وە تەواوی وەرپرسیاریەتیەگەی ها مل حکومەت فیدڕاڵی عراق، چوینکە ئاسمان و سنوورەیل عراق لەژیر کۆنترۆڵ ئەون.
دیاریکرد، هەرێم کوردستان تا ئیرنگە بیدەنگە و جواو پەلامارەیل نیەدەێد، وتیش؛ " باوجی ئەگەر حکومەت فیدڕاڵی رێکار وەرنەگرد ئەوەناچاربوین خوەمان زەوی و گەڵ کوردستان بپارێزیمن".
وتیش؛ "تا ئیسە، لە چەن شوینیگ کە پەراشەیل مووشەک و درۆنەیل وەخوارکەفتنە وەبان زەوی زەرد وە مەدەنیەیل رەسانییە، هویچ بڕیاریگ ئەرا قەرەبووکردنیان نییە، هەوەجەکەێد حکومەت فیدڕاڵی قەرەبوویان بکەێد، چوینکە وەرپرس یەکەم پاراستن زەوی و ئاسمان عراقە".