عەبدولخالق فەلاح/ سڵاویگ تر ئەرا ژن فەیلی مەزن، پەرستگای سەبر و پەرچەم ئومید، ک سەختی ژیانەگە ئاڵشتی نەکرد، وخوەی سەرچەوەی داهێنانە وگشت واتەگان خانەدانی و وفاداریە. رەنگینی رەوشتەگەی و رەفتارە جوانەگەی وەگرد گشت چشتیگ هیشت کوچگ باێدە قسە، و خوەی ئەو سویەس ک پەنەگان وەپی هەناسەدەن، وە فامستن خوەی سەبرەگە لەلی دیاردەێد، ئەویش ئاشکراوە بوود  لە رەفتاری و هەمیش جیوازیی لە گشت چشتیگ .  ناسک و ئاشکرایە یەک قسە زیانی دەێد یا هەر رەفتار ناگونجیاگیگ وەرانوەری، خەفەت خوەێد و زیان دوینێد وەبی یە کەسیگ وەپی بزانێد، خەفەت ژنەگان لە فرەی کۆمەڵگاگان کاریگەری خراویگ تۆمار کرد و لەلیان کۆمەڵگای فەیلیە لەوەر سەختی رەوشەگان بەڵکم وەبی دەنگی لە دڵخوەی هەڵیگرد، تا بویە نموونەیگ لە سەبر و خۆڕاگری، وپاڵپشتی کەسەیل خیزانەگەی، و خوەی گونجان وەگەرد گشت رەوشەگان، تا بویە شۆڕشیگ و بورکان تۆڕەیگ ئاگر وەرەو دەمچەو دوژمنەیل وەشنێد، ونازار جەرگەیل خوەی پێشکەشکرد و پشتگیری برایلی لە پیاوەگان کرد، و بویە هاوبەشیگ لە خۆڕاگری و نواگردن.

ژن فەیلی بەشیگە لە هیچ شیوەیگ جیاوە نێەوود لە پێکهاتەی کۆمەڵگا، وگرنگی دەورەگەی لە پیاو کەمتر نیە، وقسەی خوداوەن لە سورەی تەوبە ( والمؤمنون والمؤمنات بعضهم أولياء بعض)، چوونکە خوەی ئەندام گرنگیگە لەناوی، و خوەی کاریگەر سەرکیە لە کۆمەڵگا، ک خوەی داڵگ و خوەشک و هاوسەر وفەرزەن و فەرمانبەر وزانا و کارمەن وسیاسیە، ک فرە جەخت و رەوشەیل ژیان هەڵگرێد، و دەور دیاریگ دیرێد لە ئەوزەڵکردن کۆمەڵگا، و لە ژیان سیاسی و ئابووری وئەوزەڵی وپەروەردە خوەی پێکهاتە سەرەکیەگەس، بەڵکم لەوە زیاترە ک خوەی گرنگترینە لەناو ئەو پێکهاتەیلە، ک لە سەردەمەگان دەورەیل گرنگیگ ڕانیە، و هەمیشە چالاک بویە لە دروس کردن کۆمەڵگای پاک وە دانایی لە داناین سیاسەت کۆمەڵگاگە، و وەریخستن جوولەی ژیانەگە، و دەورەگەی لە کۆمەڵگا فرە گەورا وناسکە، وهەر کەمەوکردنیگ لەلی یا وبەدهاوردن تواناگانی کۆمەڵگاگە چووچنێد و ورەو گومابوین بەێدەی، و رمانن خیزانەگە، چوونکە ئەویش جوور یەکیگ تر کەفێدە وەر ئەو سەختیەیلە ک نەوگان ئی سەردەمە کەفنە وەری وهەمیش نەوە هاتگەگان، جوور گرفتەیل رەوشتی وە گشت چینەگان و شیوەگانی، ک بایەسە جوور بڕوایی رەفتار وەگردیا بکریەێد و بوودە پابەندی کۆمەڵایەتی وە چەسپانن گرنگیەگان مقیەتی بوینی و ماف وەپی داین، بەڵکم پەیمانەی پێشەنگی لە هەر کۆمەڵەیگ ناتەواوە وەبی بەشداری ژن لە دروسکردن بڕیارەگانی، سیاسی و کۆمەڵایەتی و رووشنهویری، وهەڵسانی وە دەوریگ سەرەکی لە ئاوه‌دانکردن کۆمەڵگایگ زیاتر پێشکەفتگ و دیموکڕات، و هیچ وڵاتیگ سەرنێکەفێد ئەگەر ژن هاوبەش هاوسەنگیگ نەوود، لە سورەت نەحل ( ومن يعمل صالحًا من ذكر أو أنثى وهو مؤمن فلنحيينّه حياة طيّبة) و لە ئاست بەرزیگ لە فامستن وەرپرسایەتەگانی لەناو کۆمەڵگا ودەسەڵاتی نەکیشادەی، بەڵکم خوازی بوودە دەنگکەرەوەی ئەمینیگ ئەرا ویژدان نەتەوەگە وە هەست مرۆیی بەرزیگ، و ئەوەسا هەر مینێد جوور نموونەیگ ئەرا هەر کەسیگ خوازێد بچوودە ناو مێژوو لە دەر فراوان و جیوازیگ، تا پەنجەموور جیوازیگ دانەێد لە خاکە خۆشەویستەگەی، و هووکار بوود لە گەشەپیدانی، وئی نموونە لەی رووژەیلە فرە پێوێستیی دیریمن، ک فرە لەناوی تەقەلا دەن دڵسوزی خوەیان نشان بیەن وە دویرەوکەفتن و توندی وخوسەهاتن لە ژیان، و چەو بووشی لە گشت رەنگاوڕەنگەگان و دەوڵەمەنیەگان جهان، دویای ئەوە ک وسیانە هێڵە وەردەمینەگان ئەرا خانەدانی و خویان وگیانیان پێشکەشکردن ئەرا خزمەت کۆمەڵگایان، و ئەگەر بڕیگ لە مەردم ئووشێد؛ ژن نیم کۆمەڵگایە، من ئووشم ئی قسە راسیەگەی دەور ژن ئاشکرا نێکەێد، چوونکە خوەی لە راسیەگە هووکار خاسەوبوین گشت کۆمەڵگاس.