شه‌فه‌ق نيوز/ راسه بنيايه‌يم گشت شه‌ويگ خه‌فێد وه‌بى ئه‌وه‌ك دڵنيا بدێ شه‌وه‌كێ له‌خه‌و هه‌ڵسێد، وه‌لێ مقه‌يه‌تى له به‌رنامه‌ى كار ئه‌را ئى رووژه‌گه ئه‌كا ك يه‌يش تاڕاده‌يگ ئوميديگه ئه‌را تازه، هه‌ر وه‌و خاتريشه ئاماده‌گى ئه‌را جيوه‌جيكردن ئاسايش و ئه‌زره‌ت و ئاره‌زووه‌يل ك گشت ئايه‌ميگ عراقى خه‌و وه‌پيانه‌و دوينێد پرسياريگه له‌لاى هاووڵاتيه‌يل ئى وڵاته‌و گڵپه‌ێ ئاگر وه‌پى له لاشه‌ێ رووشنهويره‌يل و فكرمه‌نه‌يل ده‌م ئه‌يه‌ن.
له‌ڕاسى ديموكراسيه‌ت ئى سه‌رده‌مه له عراق پيك نه‌هاتگه له حكومه‌ت مه‌ردم، به‌ڵكوو پيكهاتگه له حوكم مه‌ردم، ئه‌گه‌ريش عبادى له‌لاى كه‌سه‌يليگ خاسترين سه‌رۆك وه‌زيره‌يل عراقيه ئه‌وه هه‌ر له‌لاى ئه‌وان خاستره، له‌يرا مه‌ردمانيگ هه‌ن ك كه‌م نين له‌و هاووڵاتيه‌يله ك جوور هووكاريگ له سزاداين و گه‌مارۆ و سته‌م زاننه‌ى و جوور وه‌رپرسيگ نمايشكارانه دويننه‌ێ.
ته‌نانه‌ت له‌شوون رميان به‌عسيش، ئه‌فسانه‌ێ ديموكراسى له عراق ده‌سكرده دياريكردن هێڵه‌يل ئه‌را ئه‌ى و ئه‌و و تاواننه‌وه‌ى كه‌مينه‌يل و دوياجاريش علمانيه‌يل، چوينكه سياسه له‌ناو بازنه‌يگ موسڵمانكردن كۆمه‌ڵگا هان وه‌ره‌و زاڵبوين زوورمينه ئه‌ياد له عراق وه‌ل كووتاييهاوردن جورايه‌تى.
له‌ڕاسى فه‌رمانڕه‌وايه‌يل ئسلامى له‌ى سه‌رده‌مه له عراق باوه‌ڕ وه فريه‌يى نه‌ته‌وه‌يى وئايينى و به‌رنامه‌ێ كاره‌يليان و ستراتيجيه‌تيان نه‌يرن و ئى پرسياريشه ئه‌وه‌سه ك ئه‌گه‌ر بار عراق وه‌ل هه‌ر يه‌ك له‌ى مه‌سه‌له‌ێله بدێ ك ئيسه دونينه‌ێ، ئه‌ى ئاينده ئى وڵاته چوين ئه‌دێ له‌ساێ گڕه‌ێ يه‌ك ئايين و يه‌ك نه‌ته‌وه؟
ماف كه‌مينه‌يل بايه‌سه مقه‌يه‌تيكرياێ بدێ وه‌رجه ماف زوورمينه‌ێ فه‌رمانڕه‌وا، ئيسه‌يش وه‌خت ئه‌وه هاتگه ك گشت جه‌هان وه تمامى ئه‌وه بوينن ك جه‌نگ نه‌ته‌وه‌يل و ئايينه‌يل و مه‌زه‌وه‌يل و جه‌نگ ناوچه‌يى و هووزايه‌تى هيمان ته‌مام نه‌ويه!!.
ئاشكراس ك زوورمينه‌ێ سته‌مديده و هه‌قخورياێ له‌ى وڵاته كورده‌يل فه‌يلێ نين وه ته‌نيا، به‌ڵكوو زوڵمليكرياگه‌يل خاس ناسنه‌يان، چوينكه فه‌يليه‌يل زوورمن له‌ى چينه‌و هويچ چشتيگيش له‌ى راسيه ئالشت نادێ ئه‌گه‌ر بويشيم ئه‌و ئايدۆلۆژيا ك دويه‌كه زوڵم كريا، له‌وه‌رده‌م زوڵم ئمڕوو به‌خته‌وه‌ره.
حكومه‌ت و كۆمه‌ڵگاى عراقى ئويشن سه‌رده‌م سه‌دام ته‌مام بوێ و نه‌بايه‌د شوفێنيه‌يل له حوكم بمينێد، وه‌لێ باس له‌وه ناكه‌ن ك سه‌ره‌تاى ئه‌فسانه‌ێ دادگه‌رێ وه كوشتن فه‌يليه‌يل ده‌سوه‌پيكرد و كووتايى وه له‌ناوبردن و ده‌ركردنيان ناورد، چوينكه فكر زاڵبوين دژ فريه‌يى و ماف وجوود نه‌ته‌وه‌يل تر. ك نه‌ريته‌يليش له‌ى وڵاته هووكاره‌ن له‌بان كوشتن و بڕين و گه‌وراترين قوربانيه‌يليشى دادگه‌ريه.
ئه‌راچه بايه‌سه ته‌نيا هه‌ر يه‌ك لايه‌ن بڕيار ده‌ربكا له‌باره‌ى گشت مافه‌يل و ئازاديه‌يل له‌ژير په‌رچه‌م نه‌ته‌وه يا ئايين و ته‌نيا له به‌رژه‌وه‌ندێ خوه‌يه‌و فكر شه‌رعى چه‌سه‌و ئه‌و هووز يا نه‌ه‌وه كييه ك بايه‌سه ماف ژيان داشتوود؟ ئايا ئيمه هايمنه هايمنه دوياى زوورمينه‌ى تاوانكار و كه‌مينه‌ێ زوڵمليكرياێ؟ بيگومان ك ديموكراسيه‌ت لايه‌نگر سه‌دام تواناى جيوه‌جيكردن موجزه نه‌يرێد وه‌خاتر جيوه‌جيكردن دادگه‌رێ تا پيكهاته‌يل بتويه‌نن وه ئه‌مان وئاشتى بژيه‌ن! ئمجا ئه‌و داواكاريه ك زاڵ بويه بان عراق ك گوايا ئايين ئسلامى ئايينى و علمانيه له سياسه‌ت، بيگومانيش به‌رنامه‌ى لايه‌نه‌يل سياسى فه‌رمانڕه‌وا له وه‌رانوه‌ر كورده‌يل فه‌يلى له‌وه‌ر خاتر ئازادكردنيان نيه، به‌ڵكوو له‌وه‌ر ئامانجه‌يل تره.
ئه‌را نموونه ريزدار عبادى وه شيوه‌يگ وه‌ل دوسيه‌ێ كورده‌يل فه‌يلێ مامڵه ئه‌كا ك بويشێد چالاكوانيگ سياسيه نه‌ك وه سفه‌ت سه‌رۆك وه‌زيره‌يل ئه‌را وڵاتيگ ك بايه‌سه له‌بانى و تواناى ديرێد بڕيار وه‌شيوه‌يگ پاك و ئاشكرا ده‌ربكا، ئه‌و باوه‌ڕێ ئه‌وه‌سه مه‌سه‌له‌يگ جوور ئه‌يه ئه‌را ئاينده ئه‌دێ نه‌ك ئيسه. له وه‌رانوه‌ر بڕياره‌يل وه‌رده‌واميش، ئاده‌ميزاد فه‌يلى له مێژووێ بڕياريگ هه‌ڵه نه‌ياگه‌و له ناوچه‌ێ هه‌ڵه‌يگ نه‌نيشتگه، وه‌لێ له‌وه‌ر خاتر ئه‌وه‌گ دێد خراز ئائلشت بكاو مافه‌يلێ وه‌ربگرێد ناچاره گرنگى بيه‌ێده كه‌مته‌رخه‌مێ به‌غداو نه‌ف له‌و ده‌رس مێژووييه وه‌ربگرێد ك ئويشێد: ك جه‌وهه‌ر زانست بيركارێ له ئازادێ ته‌مام ئه‌دێ، ئمجا ئى زانسته په‌ره ئه‌ياده خوه‌ێ دوير له‌گشت سياسه‌ته‌يل جه‌هانێ. هه‌ر وه‌و خاتريشه جه‌وهه‌ر كيشه‌ێ فه‌يلێ پيكهاتگه له خوه‌شويستن شماره‌و ئامار و به‌ڵگه‌يل وه‌خاتر ده‌ركه‌فتن قه‌واره‌و روێوه‌ر مه‌ينه‌تێ و كيشه‌يلێ.
عه‌لى حسێن فه‌يلێ