گۆران ساڵح هاوسه‌ر په‌رواز له‌وباره‌وه وتگه: ئيمه وه‌رجله ئه‌وه‌گ هه‌ر چشتێگ بويمن، كوردیمن، هه‌ر وه‌يخاتره فره وه‌پيم ناخوه‌ش بوی ك له‌یه‌كه‌م پرۆگرام له‌جیاتی ناو كوردستان ناو باكوور عێراق هات ئه‌وه‌يش وه ده‌س په‌رواز نه‌وی به‌ڵكو منیش له‌لام ناخوه‌ش بوی چوينكه بايه‌د بوترياتاد كوردستان.
گۆران هه‌ميش ئويشێ ئه‌گه‌ر هات و هاوسه‌ره‌گه‌ی ڕه‌سيه قوناغ كووتایی نه‌ك ته‌نيا ناو كوردستان ئه‌يه‌رێ به‌ڵكو ئاڵای كوردستانیش به‌رزه‌و ئه‌كه‌ن و له‌وه‌يش دڵگرانه ك مه‌ردم له كوردستان بڕیار وه‌په‌له ده‌ن و ئويشێ بايه‌د مه‌ردمیش ئه‌وقه‌ره په‌له نه‌كه‌ن له بڕیاداين و چه‌وه‌رێ بكه‌ن تا پرۆگرامه‌گه ڕه‌سێده كووتایی.
پەرواز حسێن تەمەن ٢٤ ساڵ، خوه‌ندكار کۆلێژ هونەرەيل جوان هەولێرەو، مانگ گوزه‌يشته له به‌رنامه‌گه وه كوردی‌‌و عه‌ره‌بی گورانی چڕی و سه‌ركه‌فتن وه‌سهاورد و وه‌هه‌مان شێوه‌يش به‌رنامه‌ی هه‌فته‌ی گوزه‌يشته گورانی چڕی و تويه‌نست له ناو ده‌یان به‌شداربوی ئه‌ڕا قوناغێگ تر سه‌ربكه‌فێد.
ا. ج