دويه‌تە گورانیچڕ کورد هێلی لۆڤ وە (رووداو) وتگە "هەر چوار ساڵ يه‌كجار وه‌ختێگ مۆندیال وەڕێه‌وچوود ئەلبوومێگ گورانی لە خاسترین هونەرمەنده‌یل جه‌هان بڵاوه‌و ئەکريه‌ێد، ئه‌ڕا مۆندیال ئمساڵیش گورانییگ من ئه‌ڕأ ئەو ئەلبومە هەڵوژرياگە".
ئه‌ڕا مۆندیال ئمساڵ ك لە وڵات بەرازیل وەڕێه‌وچوود، ئەلبوومێگ وەناو (Fifa World Cup Album Barazil 2014) ك لە گورانی پەنجا هونەرمەند پێکهاتگە، ئامادەكرياس، گورانی (Risk It All) دويه‌تە گورانیچڕ کورد هێلی لۆڤیش لە رز 41 تراک ئەلبوومەكە دانرياگە.
هێلی لۆڤ ئويشێ "يە وە دەسکەفت خاس و گه‌وراێگ دوینم ئه‌ڕا هونەر کوردی و ملله‌ت کورد".
ئه‌ڕا یەکەمینجارە لە مێژووی هونەر کوردی گورانی هونەرمەندێگ کورد بخريه‌ێدە ناو ئەلبووم گورانی فیفا، ک شان وەشان خاسترین گورانیچڕه‌يل دونیا جوور (Pitbull, Akon) هونەرمەنده‌یل ئەمریکاو ئەمریکای لاتین و هەسارەیل ناودار جه‌هانی په‌خش بكريه‌ێد. وه‌و جووره‌گ هێڵی خوه‌ی ئويشێد "يە وه‌و ماناسه ک گورانییەگە گرنگی خوه‌ی ديرێ لە ناو گورانیچڕه‌يل جه‌هان".
ا. ج