دلێر له‌بارەێ ئی كلیپيە وە ماڵپه‌ڕ (كورد موزیك) وتگه ”گورانی وڵات من كوردستانە تازه‌ترین بەرهەممە، میلۆدیەگەی لەلایەن خوه‌م دانرياس و تێكسته‌گه‌ێ قادر قاچاغ نويساسه‌ێ و كار تۆماركردن دەنگی لە ستۆدیۆی سۆڵۆ ئه‌نجامدرياس، ئی كارمە جوور پشتگيريیگە ئه‌ڕا پێشمەرگەيل سەربەرز كوردستان.
له‌بارەێ كار كلیپیش وت ”كار وێنەگردن و دەرهاوردنێ لەلایەن دەرهاوەر وەتوانا دلێر عومەر ئه‌نجامدرياس”.
دلێر، ك زیاتر وە گورانیه شاده‌گانێ ئه‌ڕا هەڵپەڕگه ناسرياس و ماوەێگە هویچ بەرهەمێگ تازە نه‌ێرێ، لەی بارەوە وت ”خه‌ريك بەرهەمهاوردن گورانیيگ هەڵپەڕگه بويم وه‌لێ وه‌خاتر ئی بارودۆخەيل نەخوازرياگ كوردستان كارەیل ئی بەرهەممە وسانمه‌و ئيسه ناتويه‌نم هویچ بەرهەمێگ هەڵپەڕگه بڵاوه‌وبكەم”.
ئه‌ڕا تماشاكردن كليپه‌گه له‌ێره كرته بكه.
ا. ج