‘‘ئه‌ساڵه نه‌سرى‘‘ خريه‌يده‌و دوياو ئه‌ساڵه‌يش شه‌كايه‌ت له بان وه‌زاره‌ت كاره‌با سوريه تۆمار ئه‌كا.
ئه‌ساڵه ئاماژه وه يه‌يشه ئه‌كا: له مانگ ره‌مه‌زانه‌و وه‌رده‌وام له ناو ئستۆديۆ بويه تا بتويه‌نێ له يه‌كم رووژ جهژن، ئاڵبوومه‌گه‌ى بڵاو بكا، وه‌لى وه مه‌مه‌ر بڕيان و هاتن وچێن وه‌رده‌وام كاره‌با نه‌تويه‌نستيه ئاڵبووم تازه‌گه‌ى له يه‌كم رووژ جهژن بڵاو بكا.
ئاڵبووم تازه‌گه‌ى ئه‌ساڵه وه ناو(كه‌سێ ئنكارييه)، هه‌ر چه‌ن ئه‌ى خانم هونه‌رمه‌نده قه‌وڵ داويد وه لايه‌نگره‌يلێ ك له يه‌كم رووژ جهژن ئه‌رايان چوى ديارێ بڵاو بكا، وه مه‌مه‌ر بڕيان وه‌رده‌وام نه‌تويه‌نستيه ئه‌ى قه‌وڵ و قه‌راريه وه جى بارێد و هه ئه‌رايه‌يشه شكايه‌تێ له بان وه‌زارت كاره‌باى حكومه‌ت سوريا تۆمار كرديه ك بويه‌سه مه‌مه‌ر دويا كه‌فتن ئاڵبوومه‌گه‌ى ك زه‌ره‌ر فره‌ى وه پێ ره‌سانيه./ش