شەفەق نیوز/ هونەرمەن گورانیچڕ هەڵوێست محەمەد نووترین بەرهەم هونەریی خوەی وە ناو "ئازیز" بڵاوکەێد.
هەڵوێست لە هەشمار فەرمی خوەی لە ئینستاگرام، گورانیەگە بەش کوڵیگ لە ڤیدیۆ کلیپەگەی دانایە و لەبانی نویسایە "نووترین بەرهەمم وەناو ئازیز، فرە زوی پێشکەشتان کریەد" .
ھەڵوێست موحەمەد لەداڵگبوی شار ھەڵەبجەس، لە ساڵ ٢٠٠٢ دەسکردیە وە کارەیل ھونەریی، چەندین گورانی و ڤیدیۆ کلیپ تایبەت وەخوەی دیرێد، لە ساڵ ٢٠١٩ بەشداریی فیلم سینەمایی پەیکەر دڵ کردیە و لە فیلمیگیش وە ناو تەمی بابا کارکردیە.