نزار شاشڵی وەڕێوەبەر وەڕێوەبەرایەتی گەنجەیل لە سلێمانی لە لێدوانیگ وە ئاژانس شەفەق نیوز وت " ئامانج لە پێشانگاگە رووشنایی خستنە بان وەزەی گەنجەیل و دامەزرانیانە کە یەیش بەشیگە لە ئەرکەیلمان لە وەڕێوەبەرایەتیەگە سەر وە حکومەت هەرێم کوردستان".

وتیش، "پێشانگاگە ئەرا 21 گەنج دانرێد  کە تەمەنیان لەناوەین 10 تا 30 ساڵانن"، دیاریکرد " بڕیگ لە بەشداربویەیل ئەزموون دیرن لە مژار هونەر شێوەکاری و بڕیگیان ئەزموونەیلیان سنووردارە ئەرا ئێ کارە لەی پێشانگایەی دریانەسە دەم یەک تا ئەزموونەیلیان ئاڵشتبکەن و وەربگرن وەلایەن گەنجە نوویەیلە".

وتیش " پێشانگاگە 46 تابلۆی هونەر شێوەکاری گرێدەخوەی وە بەشداری دوو تابلوو لە هەر هونەرمەنیگ، یان زیارتر  پێشانگاگە تەنیا ئەرا ماوەی یەک رووژە".