شەفەق نیوز/ وەزارەت روشنهۊری هەرێم کوردستان وە بڵاوکردن ئاگادارییگ راگەیان، وە دروشم ''نازری، سووزیگ لە تەمیرە و داستانیگ لە شانامە'' لە رسوومیگ شایستە ڕێز لە هونەرمەن ناودار کورد، شەهرام نازری گرێد. 

وە گورەی ئاگادارییەگە، ئی رسوومەیلە لە ساعەت 11:00ی  ئمڕوو دووشەممە 16/5/2022 لە دیوان وەزارەت روشنهۊری و گەنجەیل، هۆڵ پێشەوا، وەڕیەو چوود. 

شەهرام نازری، هونەرمەن ناودار کورد، تا ئیسە چەنها خەڵات لە ئاست کوردستان، ئیران و ناودەوڵەتی وەدەس هاوردیە، لەوانە ''خەڵات شڤالییەی ئەدەب و هونەری فەرەنسا".